بالی وڈ کی سابقہ اداکارہ ایشا دیول اور انکے شوہر بھرت تختانی نے شادی کے 11 سال بعد علیحدگی کی تصدیق کردی۔

ماضی کی مقبول اداکارہ ہیما مالنی اور اداکار دھرمیندر کی بیٹی اور اداکار سنی دیول اور بوبی دیول کی سوتیلی بہن ایشا دیول نے بھرت تختانی کے ساتھ 11 سالہ رشتے کا اختتام کرلیا۔

ایشا دیول اور انکے شوہر کی جانب سے گزشتہ سال جون میں شادی کی سالگرہ کی مبارک دیتے پوسٹ سوشل میڈیا کی زینت بنی اور شاید یہ کہنا بھی غلط نہ ہوگا کہ یہ پوسٹ اس جوڑے کی آخری پوسٹ ثابت ہوئی۔

جس کے بعد بھارتی میڈیا اور سوشل میڈیا صارفین کی جانب سے اس جوڑے کی ممکنہ علیحدگی کو لے کر گہری تشویش کا اظہار دیکھنے کو ملا۔

بعدازاں علیحدگی کی قیاس آرائیوں کو سچ ثابت کرتے ہوئے 11سال پر محیط اس بندھن کے اختتام پر ایشا دیول اور بھرت تختانی نے مشترکہ بیان جاری کردیا جس میں اس جوڑے نے اپنی علیحدگی کی تصدیق کرکے سب کی توجہ اپنی جانب مبذول کرالی۔

سشمیتا سین شادی کرنے جارہی ہیں؟

سشمیتا سین نے کافی عرصے بعد شادی کے منصوبوں پر اپنی رائے کا اظہار کردیا

میڈیا رپورٹس کے مطابق جاری کردہ بیان میں اس جوڑے کا کہنا تھا کہ،’ہم نے باہمی رضا مندی اور دوستانہ طریقے سے الگ ہونے کا فیصلہ کیا ہے۔ تاہم ہماری زندگیوں میں اس تبدیلی سے،ہمارے دونوں بچوں کے بہترین مفادات اور بہبود ہمارے لیے انتہائی اہمیت کی حامل ہے اور ہوگی’۔

اپنے بیان میں اس سابقہ جوڑے کا مزید کہنا تھا کہ،’ براہ کرم ہماری رازداری کا احترام کیا جائے۔’

یاد رہے کہ سال 2017 میں ایشا دیول کے ہاں پہلی بیٹی کی پیدائش ہوئی جسکا نام رادھیا تختانی رکھا جبکہ 2019 میں پیدا ہونے والی دوسری بیٹی کا نام مرایا تختانی رکھا۔