پاکستانی اداکارہ غنا علی نے خود کو بھارت کی امیر ترین شخصیت اور مکیش امبانی کی اہلیہ نیتا امبانی سے مشابہہ قرار دے دیا۔

اداکارہ غنا علی اپنی منفرد ویڈیوز کے سبب سوشل میڈیا پر چھائی رہتی ہیں، کبھی منفرد فلٹرز کا استعمال کرکے ویڈیو پوسٹ کرتی نظر آتی ہیں تو کبھی دلچسپ اور مزاحیہ موضوع پر گفتگو کرتی سوشل میڈیا پر مداحوں کو مسحور کرتی رہتی ہیں۔

فلٹر یا کاسمیٹک سرجری؟، غنا علی ’کین ڈول’ قرار

غنا علی کی ویڈیو وائرل

فوٹو اینڈ ویڈیو شیئرنگ ایپ انسٹاگرام پر اداکارہ غنا علی نے ویڈیو شیئر کی جس میں انہوں نے خود کو بھارت کی امیر ترین شخصیت نیتا امبانی سے مشابہہ قرار دے کر سوشل میڈیا صارفین کی توجہ اپنی جانب مبذول کرالی۔

انسٹاگرام پر جاری ویڈیو میں اداکارہ غائبانہ انداز میں اپنے شوہر کو مخاطب کرتے ہوئے کہتی ہیں کہ،’آپ نے مجھ سے اس لیے شادی کی کیونکہ میں نیتا امبانی سے ملتی ہوں’؟

جواب میں غنا علی کے شوہرعمیر گلزار کا کہنا تھا کہ،’شکل ملتی ہے لیکن بینک بیلنس نہیں ملتا۔’

ویڈیو پوسٹ کرتے ہوئے اداکارہ غنا علی نے کیپشن میں لکھا کہ ،’میں جانتی ہوں کہ میں نیتا امبانی کی طرح نہیں لگتی براہ کرم اس ویڈیو کو محض مذاق میں لیں’۔

دوسری جانب غنا علی کا خود کو نیتا امبانی کہنا سوشل میڈیا صارفین کو بھی کچھ خاص نہ بھایا، تبصرہ کرتے صارفین کا  غنا علی کو مشورہ دیتے ہوئے کہنا تھا کہ،’اس سلسلے میں ووٹنگ کرالیں’۔

اسی کے ساتھ ایک اور صارف کا طنزیہ انداز اپناتے ہوئے کہنا تھا کہ ،’اگر غنا علی کا بینک بیلنس نیتا امبانی کی طرح ہوتا تو وہ کبھی آپکے ہاتھ نہ آتیں۔’؎

یاد رہے کہ شوبز انڈسٹری کا یہ خوشحال جوڑا  17 مئی 2021 کو شادی کے بندھن میں بندھا تھا، جسکے بعد اس جوڑے نے دو بچوں کا خیر مقدم کیا۔