خواتین

خوبصورت جلد کے لیے اہم غذا دہی

Web Desk

2 years ago

خوبصورت جلد کے لیے اہم غذا دہی

آج کے دور میں زیادہ تر خواتین اپنی جلد کے حوالے سے کافی حساس ہوتی ہیں اور اس کی خوبصورتی کے لیے کئی جتن کرتی ہیں جب کہ دہی میں موجود خصوصی آکسیڈ جلد کو بہتر نشوونما فراہم کرتے ہیں ۔اس کے علاوہ جلد میں موجود ڈیڈ سیلز کا بھی خاتمہ کرتے ہیں۔

کریمی سفید رنگت کا حامل دہی نہ صرف جسمانی صحت کے لیے مفیدو فائدہ مند ہے بلکہ اس میں موجود قدرتی صحت بخش اجزاء کی خصوصات جلد کو صحت مند اور بالوں کو مضبوطی فراہم کرنے میں مددگار ثابت ہوتی ہیں۔

اس میں بڑی مقدار میں (لیکٹک ایسڈ) کی خوبی موجود ہوتی ہے جو جلد اور بالوں کی نگہداشت وحفاظت کے لیے بہت کارآمد ہے۔

دہی کی مدد سے آپ تھکی ہوئی پژمردگی کا شکار اور گہری رنگت کی حامل جلد میںدوبارہ جان ڈال سکتی ہیں اور اس میں قدرتی دلکشی ونکھار پیداکرسکتی ہیں۔

ایک پیالے میں گاڑھادہی لیں۔ اس کوہلکے سے نم چہرے پرنہایت ملائمت کے ساتھ اپلائی کرکے آہستگی سے مساج کریں اور 10-15منٹ کے لیے چھوڑ دیں۔ اس کے بعد سادے پانی سے چہرہ دھوکر صاف کرلیں ۔

دہی میں موجودلیکٹک ایسڈ قدرتی ہائیڈرو آکسائل ایسڈ ہے جوجلد کونمی اور ہمواریت فراہم کرنے اور ایکسفولیٹ کرنے کی صلاحیت رکھتا ہے۔