پاکستان پیپلزپارٹی کی الیکشن 2024 کی پولنگ کے بعد نتائج کا سلسلہ شروع ہونے کے بعد نکالی گئی ریلی میں شیری رحمان کے ہمراہ بھارتی اداکار فیروز خان کو دیکھ کر سب دنگ رہ گئے۔

8 فروری پاکستان میں عام انتخابات ہوئے جس میں عوام نے بڑھ چڑھ حصہ لیا اور ہر کوئی اپنی پسندیدہ پارٹی اور نمائندگان کو جتوانے کیلئے پُرعزم نظر آیا۔

اگرچہ متعدد پولنگ اسٹیشن سے سلو ووٹنگ اور دھاندلی کی شکایات موصول ہوئیں وہیں بعض حلقوں میں توقع کے مطابق جیت حاصل ہونے پر ووٹرز خوش بھی دکھائی دیے۔

الیکشن 2024، شوبز شخصیات بھی ووٹ دینے میں پیش پیش

پاکستان میں آج عوام کی ایک بڑی تعداد اپنا حقِ رائے دہی استعمال کرنے کیلئے نکل چکی...

پولنگ کے بعد غیر حتمی اور غیر سرکاری تنائج کا سلسلہ شروع ہوا جس میں ایسے ایسے فاتح سامنے آنے لگے کہ جن کو دیکھ کر سب دنگ رہے گئے۔ ان میں سب سے زیادہ حیران پی پی پی کے چیئرمین بلاول بھٹو کے لاہور میں جیتنے کی خبر شامل تھی۔

اگرچہ ووٹوں کی گنتی پوری نہیں ہوئی تھی لیکن موصول ہونے والا نتیجہ بلاول کی فتح کا اعلان کر رہا تھا جس کے بعد پی پی پی کے جیالے خوشی میں گھروں سے باہر نکل آئے۔شیری رحمان نے کارکنان کے ساتھ ایک ریلی بھی نکالی جس میں ایک ایسا حیران کن منظر دیکھنے کو ملا جو لاہور میں بلاول بھٹو کی فتح سے بھی زیادہ ناقابلِ یقین تھا۔

دراصل شیری رحمان کے برابر میں بھارتی آنجہانی اداکار فیروز خان کو کھڑے دیکھا گیا جو فلم 'ویلکم' میں نبھائے گئے کردار 'آر ڈی ایکس' کے خاص لُک میں نظر آئے۔

اس ریلی کی تصاویر جاری ہونے کی دیر تھی کے سوشل میڈیا ہر 'آر ڈی ایکس ابھی زندہ' ہیں کے جملے لکھے نظر آئے۔

ایک صارف نے لکھا کہ ' ابھی یہ بولیں گے کہ ابھی ہم زندہ ہیں، یہ کیا ہورہا ہے آج کی تاریخ میں'۔

اگرچہ شیری رحمان کے ساتھ موجود شخص ہو بہ ہو فیروز خان دکھ رہا ہے لیکن وہ ان کی کاربن کاپی ضرور ہوسکتا ہے لیکن خود فیروز نہیں کیونکہ اداکار  27 اپریل 2009 کو دنیائے فانی سے کوچ کر گئے ہیں۔