بھارتی ریئیلیٹی شو 'بگ باس' کے 17ویں سیزن میں بطور کنٹیسٹنٹ شرکت کرنے والی ریپر فیروزہ خان عرف خانزادی اپنا گھر پھر چھوڑ گئیں۔

خانزادی نے بگ باس 17 میں شرکت کر کے اپنے حسن سے سب کے دل جیتے لیکن ایک باغی کھلاڑی کے طور پر سامنے آئیں جو شو کے ہوسٹ سلمان خان کے ساتھ بھی لڑ بیٹھیں۔

’وومین بیٹر‘ کا ٹیگ ملنے پر ابھیشیک نے خاموشی توڑ دی

بھارت کے مقبول ترین ریئیلیٹی شو بگ باس کے 17ویں سیزن کے پہلے رنر اپ ابھیشیک کمار...

خانزادی نے بگ باس سے قبل بھارتی گلوکاری کے شو 'ہسل' میں شرکت کی اور ایک ریپر کے طور پر لوگوں کے دلوں میں جگہ بنانے میں کامیاب ہوئی تھیں جس کے بعد انہیں بگ باس میں لیا گیا۔

گلوکارہ کا تعلق آسام سے ہے جو اپنے خوابوں کو پورا کرنے کیلئے اپنا گھر چھوڑ کر ممبئی بھاگ آئی تھیں اور اس بات کا اعتراف انہوں نے بگ باس میں بھی کیا۔

بگ باس میں خانزادی اور شو کے فرسٹ رنر اپ ابھیشیک کمار کے ساتھ کیمسٹری کو ناظرین کی جانب سے بے حد پسند کیا گیا اور مداح ان کو گھر سے باہر آکر بھی محبت کے رشتے میں بندھا دیکھنا چاہتے ہیں۔

’وومین بیٹر اور چیٹر‘ بگ باس 17 کا میدان مار گئے

بگ باس 17 کا میدان دو سب سے زیادہ متنازع کھلاڑی مار گئے

حال ہی میں میڈیا پرسنز نے ابھیشیک سے خانزادی کے حوالے سے پوچھا جس کے جواب میں انہوں نے اس بات کی تصدیق کی کہ 'میں خانزادی سے مل نہیں پایا اور وہ گڑگاؤں منتقل ہوگئی ہے'۔

انہوں نے یہ بھی کہا کہ  'میں خانزادی سے ضرور ملوں گا، لیکن ہاں ابھی تک مل نہیں سکا اور یہ بھی نہیں پتہ کہ وہ پارٹی میں آئیگی کہ نہیں'۔