ویڈیو شیئرنگ  سروس یوٹیوب میں شارٹس  کے ساتھ 2 بہترین فیچرز کا اضافہ کیا گیا ہے۔

رپورٹ کے مطابق یوٹیوب شارٹس استعمال کرنے والے صارفین اب مختصر ویڈیوز کے اس سیکشن کو لائیو ویڈیو اسٹریمنگ کے لیے بھی استعمال کر سکیں گے۔

کمپنی کی جانب سے اعلان کیا گیا ہے کہ شارٹس ویڈیوز اسکرولنگ کے دوران صارفین لائیو ویڈیو کا پریویو دیکھ سکیں گے جس پر کلک کرنے پر اسے مکمل طور پر دیکھنا ممکن ہوگا۔

شارٹس پر لائیو ویڈیوز کو ورٹیکل فارمیٹ میں اسٹریم کرنا بھی ممکن ہوگا۔

ویسے تو یوٹیوب پر ورٹیکل فارمیٹ میں لائیو اسٹریمنگ کا آپشن کافی عرصے سے موجود ہے مگر اب اسے شارٹس فیڈ کا حصہ بنایا جا رہا ہے۔

یوٹیوب کا یہ نیا فیچر ٹک ٹاک سے ملتا جلتا ہے جس کی جانب سے بھی مختصر ویڈیوز کو دیکھتے ہوئے لائیو اسٹریمنگ کو دیکھنا ممکن ہے۔

فیس بک پر نوکریوں کے جعلی اشتہار، عوام خبردار!

نوکریوں کے خواہشمند افراد فیس بک پر اشتہار دیکھ کر نوکری کیلئے درخواست دینا چاہتے...

ٹک ٹاک میں اس تبدیلی کے نتیجے میں لائیو اسٹریمنگ کو کافی فائدہ ہوا اور صارفین کی انگیج منٹ میں نمایاں اضافہ دیکھنے میں آیا۔

یوٹیوب شارٹس میں لایو اسٹریمنگ کے حوالے سے ایپ میں متعدد ڈسکوری آپشنز کا اضافہ بھی کیا جائے گا۔

شارٹس میں اس نئے اضافے کے ساتھ ساتھ یوٹیوب کی جانب سے پوڈ کاسٹ براہ راست یوٹیوب اسٹوڈیو سے اپ لوڈ کرنے کی سہولت بھی فراہم کی جا رہی ہے۔

اس تبدیلی سے صارفین اپنی آر ایس ایس فیڈ کو براہ راست یوٹیوب اسٹوڈیو سے منسلک کر سکیں گے جس سے وہ اپنے مواد کو زیادہ افراد تک پہنچا سکیں گے۔