سال 2023 میں سلیم کریم کے ساتھ دوسری شادی کرنے والی پاکستانی اداکارہ ماہرہ خان کے دوسری بار حاملہ ہونے کی خبروں نے زور پکڑ لیا۔

پاکستان سمیت بھارت میں اپنی اداکاری سے انفرادی پہچان حاصل کرنے والی اداکارہ ماہرہ خان ایک بار پھر خبروں کی شہہ سرخیوں کا حصہ بن گئیں جس کی بڑی وجہ انکا ممکنہ دوسری بار حاملہ ہونا ہے۔

ماہرہ خان کا حسن، ’مسابا گپتا’ بھی دل ہار بیٹھیں

مسابا گپتا کے شاہکار نے ماہرہ کے حسن کو مزید نکھار دیا

بھارتی میڈیا کی جانب سے یہ دعویٰ سامنے آیا ہے کہ اداکارہ ماہرہ خان دوسری بار حاملہ ہوگئیں ہیں اور رواں سال اگست یا ستمبر تک ننھے مہمان کا اس دنیا میں خیر مقدم کرنے والی ہیں۔

بھارتی میڈیا نے اپنی رپورٹ میں ریڈٹ پر 10 فروری کو سامنے آنے والی ایک صارف کی پوسٹ کا حوالہ دیا جس میں  دعویٰ کیا گیا تھا کہ ماہرہ خان نے خود کو متعدد پروجیکٹس سے الگ کرلیا کیوں کہ وہ حمل سے ہیں۔ 

پوسٹ کے مطابق 39 سالہ اداکارہ ماہرہ خان حاملہ ہونے کی وجہ سے او ٹی ٹی سیریز’جو بچے سنگ سمیٹ لو‘ سمیت دو بڑے پراجیکٹس سے دستبردار ہوگئی ہیں۔

 اگر چہ ریڈٹ پر اس پوسٹ کو حذف کردیا گیا ہے تاہم بھارتی میڈیا اور پاکستانی سوشل میڈیا پر ان خبروں کے گردش کرنے کا سلسلہ تاحال جاری ہے۔

دوسری جانب ان افواہوں اور دعوں کے بعد تاحال اداکارہ ماہرہ خان یا انکے شوہر سلیم کریم کی جانب سے تصدیق یا تردید نہیں کی گئی ہے۔

یاد رہے کہ ماہرہ خان نے  2007ء میں علی عسکری سے شادی کی تھی اور 2009ء میں ان کے ہاں ایک بیٹے کی پیدائش ہوئی جس کا نام اذلان ہے۔

بعد ازاں، شادی کے 8 سال بعد 2015ء میں دونوں نے ایک دوسرے سے اپنی راہیں جدا کرلیں۔

خلیل الرحمان قمر کا ماہرہ خان سے شدید نفرت کا اظہار

مجھ سے زیادہ غصہ کسی کے پاس نہیں ہے

علی عسکری سے علیحدگی کے کئی سال بعد اداکارہ  ماہرہ خان گزشتہ سال اکتوبر 2023 میں اپنے دیرینہ دوست سلیم کریم کے ساتھ رشتہ ازدواج میں منسلک ہوگئیں۔