پاکستانی اداکارہ ماہرہ خان نے دوسری  بار حاملہ ہونے کی گردش کرتی خبروں پر لب کشائی کردی۔

حال ہی میں ریڈٹ پر ایک صارف کی پوسٹ کے مطابق بھارتی میڈیا کی جانب سے ان افواہوں نے جنم لیا کہ ماہرہ خان دوسری بار امید سے ہیں اور رواں سال اگست یا ستمبر تک اپنے اور سلیم کریم کے بچے کو جنم دینے والی ہیں۔

انڈین رپورٹ میں ریڈٹ پر 10 فروری کو سامنے آنے والی ایک صارف کی پوسٹ کا حوالہ دیا جس میں دعویٰ کیا گیا تھا کہ ماہرہ خان او ٹی ٹی سیریز’جو بچے سنگ سمیٹ لو‘ سمیت دو بڑے پراجیکٹس سے دستبردار ہوگئی ہیں کیونکہ وہ حمل سے ہیں۔

ماہرہ خان دوسری بار حاملہ؟ بھارتی میڈیا کا دعویٰ

ماہرہ خان کے حاملہ ہونے کی افواہیں سرگرم

پوسٹ سامنے آنے کی دیر تھی جنگل میں آگ کی طرح پھیل گئی۔اور ساتھ ہی تمام پاکستانی اور بھارتی میڈیا پر ماہرہ اور انکے دوسرے حمل کی خبروں نے شہ سرخیوں میں جگہ بنالی۔

گردش کرنے والی ان افواہوں کے بعد اداکارہ ماہرہ خان نے حقیقت سے پردہ اٹھا دیا۔ماہرہ خان نے اپنے حمل سے متعلق تمام خبروں کی تردید کرتے ہوئے کہا کہ،’میرے حمل کی تمام خبریں حقیقت کے برعکس ہیں، نہ میں حاملہ ہوں اور نہ ہی میں نے  نیٹ فلکس سیریز چھوڑی ہے۔’ 

یاد رہے کہ ماہرہ خان نے 2007ء میں علی عسکری سے شادی کی تھی اور 2009ء میں ان کے ہاں ایک بیٹے کی پیدائش ہوئی جس کا نام اذلان ہے۔

بعد ازاں، شادی کے 8 سال بعد 2015ء میں دونوں نے ایک دوسرے سے اپنی راہیں جدا کرلیں۔

ماہرہ خان کی ڈیسٹینیشن ویڈنگ ؟ تصاویر پرپابندی

موبائل فون کے استعمال پر پابندی عائد کردی گئی ہے۔

علی عسکری سے علیحدگی کے کئی سال بعد اداکارہ ماہرہ خان گزشتہ سال اکتوبر 2023 میں اپنے دیرینہ دوست سلیم کریم کے ساتھ رشتہ ازدواج میں منسلک ہوگئیں۔

ماہرہ خان کے دوسرے شوہر سلیم کریم کون ہیں؟

گزشتہ سال ماہرہ خان سے شادی کرنے والے سلیم کریم نامی شخص کا تعلق کراچی سے ہے جو اداکارہ کے دیرینہ دوست بھی ہیں۔سلیم کریم خان ایک کثیر جہتی کاروباری شخصیت ہیں جو کراچی کی ’ نیٹ ورک کیریئر بلنگ کمپنی’ ’ سم پیسہ ’ کے چیف ایگزیکٹو آفیسر ہیں۔

سلیم خان نا صرف کراچی میں قائم اسٹارٹ اپ سم پیسہ کے سی ای او  ہیں بلکہ ایک پیشہ ور ڈی جے بھی رہے ہیں۔