بالی وڈ کنگ خان کی اہلیہ و انٹیریئر ڈیزائنر گوری خان نے ممبئی میں اپنے شاہانہ ریسٹورنٹ کا افتتاح کرلیا۔

25 اکتوبر 1991 کو بالی وڈ سپر اسٹار شاہ رخ خان کے ساتھ رشتہ ازدواج میں منسلک ہونے والی  انٹیریئر ڈیزائنر گوری خان نے اپنی کامیابی کا ایک اور سنگ میل عبور کرلیا۔

فوٹو اینڈ ویڈیو شیئرنگ ایپ انسٹاگرام پر گوری خان نے پوسٹ جاری کی جس میں انہیں اپنے عالیشان ریسٹورنٹ میں پوز دیتے دیکھا گیا۔

پوری دنیا شاہ رخ خان کی فین، اداکار خود کس کے فین؟

بالی وڈ اداکار شاہ رخ خان کے بارے میں وہ دلچسپ حقائق جس پر شاید آج تک آپ نے  غور...

ممبئی میں واقع اس پر تعیش ریسٹورنٹ کو جدید لائٹوں اور خوبصورت ساز و سامان سے آراستہ کیا گیا ہے جو بلاشبہ خوبصورتی میں اپنی مثال آپ ہے۔

نیوی بلو باڈی کون ڈریس زیب تن کئے ہوئے گوری خان نے اپنے جذبات اور خوشی کا اظہار اپنے کیپشن سے کیا۔

خوبصورت پوسٹ شیئر کرتے ہوئے انہوں نے کیپشن میں خوشی کا اظہار کرتے ہوئے لکھا کہ،’آپ کی مہمان نوازی کیلئے  میرا پہلا منصوبہ’ٹوری ممبئی’ آپ کی خدمت میں پیش ہے یہاں آکر آپ اپنے خوبصورت لمحات کو سمیٹ سکتے ہیں’۔

پوسٹ پر تبصرہ کرتے صارفین نے گوری خان کی نئے منصوبے پر بے پناہ تعریفوں اور خوشی کا اظہار کیا۔

شاہ رخُ خان کا اہلیہ سے برتاؤ ،اداکارہ فین ہوگئیں

کنگ خان کا اہلیہ گوری خان سے اظہارِ محبت نے مداحوں کو رشک کرنے پر مجبور کردیا۔

یاد رہے گوری خان کو گزشتہ کئی سالوں سے ممبئی کے کئی مضافاتی ریسٹورنٹ اور نامور شخصیات کی رہائش گاہوں کو ڈیزائن کرنے کا شرف حاصل ہوچکا ہے۔

واضح رہے کہ گوری خان اور شاہ رخ خان کی شادی 25 اکتوبر 1991 میں ہوئی جب وہ 22 سال کی تھیں جبکہ شاہ رخ 26 سال کے تھے ۔