بھارت کی نامور گلوکارہ  وجے لکشمی عرف ملیکا راجپوت اپنے گھر میں مردہ حالت میں پائی گئیں۔

بھارتی میڈیا رپورٹس کے مطابق  35 سالہ گلوکارہ وجے لکشمی کی لاش بھارتی ریاست بہار کے علاقے  سیتاکنڈ میں رہائش گاہ پر پنکھے سے لٹکی ہوئی ملی۔

نامور بالی ووڈ اداکار کی اچانک موت

بالی ووڈ کے نامور اداکار نتیش پانڈے 50 برس کی عمر میں حرکتِ قلب بند ہونے سے چل...

 گلوکارہ کی والدہ سمترا سنگھ کا کہنا ہے کہ انہیں اس واقعے سے متعلق کچھ معلوم نہیں کیونکہ جب یہ واقعہ پیش آیا اس وقت گھر میں موجود سب لوگ سو رہے تھے۔

وجے کی پُراسرار موت کے حوالے سے ذکر کرتے ہوئے انہوں نے کہا کہ پہلے دروازہ بند تھا اور لائٹ جل رہی تھی۔ ہم نے  متعدد بار دروازہ بجایا لیکن کوئی جواب نہ پا کر تشویش میں مبتلا ہوگئے۔

انہوں نے کہا کہ بعد ازاں ہم نے دروازہ توڑا اور دیکھا کہ وہ پنکھے سے جھول رہی تھی اور اسکی موت واقع ہوچکی تھی۔

کوتوالی پولیس اسٹیشن کے انچارج شری رام پانڈے نے کہا کہ ابتدائی طور پر گلوکارہ کی موت کی وجہ خودکشی ہے لیکن حتمی طور پر کچھ بھی پوسٹ مارٹم رپورٹ کے بعد ہی کچھ معلوم ہوگا۔

خیال رہے کہ ملیکا راجپوت کو سال 2014 کی کرائم کامیڈی فلم ’ریوالور رانی‘ میں کنگنا رناوت کے ساتھ اداکارہ کے جوہر دکھاتے دیکھا گیا تھا۔

ایک بسکٹ سے 25 سالہ رقاصہ کی اچانک موت

امریکی ریاست نیویارک میں 25 سالہ پیشہ ور رقاصہ کی بسکٹ کھانے سے اچانک موت واقع...

شوبز میں قسمت آزمائی کے بعد انہوں نے 2016 میں بھارتیہ جنتا پارٹی (بی جے پی) میں شمولیت اختیار کی اور بعد ازاں دو سال بعد ہی اس سے بھی کنارہ کشی کا اعلان کردیا۔

سال 2022 میں گلوکارہ نے اتر پردیش میں بھارتیہ سوارنا سنگھ کی قومی سیکرٹری جنرل مقرر ہوئیں۔ 

ملیکا نے کتھک ڈانسر کے طور پر اپنی صلاحیتوں کا بھی مظاہرہ کیا اور اب انکا شاعری کے سیشن کیلئے اپنی غزلیں لکھنے اور انہیں پیش کرنے کا ارادہ بھی تھا۔