حق خطیب نامی پیر نے پاکستانی میڈیا پرسن اقرارالحسن کے ساتھ مناظرے کے درمیان اچانک ان کے گال پر بوسہ دیکر سب کو حیران کردیا۔

نجی ٹی وی چینل اے آر وائے نیوز کے معروف ٹی وی میزبان اقرارالحسن کی پیر آف بلاوڑہ شریف حق خطیب حسین علی بادشاہ سے مناظرہ کرنے ویڈیو سوشل میڈیا ویب سائٹس پر وائرل ہو رہی ہیں۔

ان ویڈیوز میں سے متعدد خود اقرار الحسن نے اپنے سوشل میڈیا اکاؤنٹس پر جاری کی ہیں جس کے کیپشن میں انہوں نے حق خطیب کے جھوٹ کو بے نقاب کرنے کا دعویٰ کیا ہے۔

اقرار الحسن نے حق خطیب کو بے نقاب کردیا

اقرارالحسن کے ہاتھوں حق خطیب بے نقاب،مریدوں سے جھڑپ

خیال رہے کہ حق خطیب یہ دعویٰ کرتے ہیں کہ ان کی پھونک میں شفا ہے اور وہ بیمار اور معذور کو ایک پھونک مار کر ٹھیک کر دیتے ہیں اور اس کے ثبوت میں وہ متعدد ویڈیوز سوشل میڈیا پر جاری کرچکے ہیں۔

جہاں ایک طرف سوشل میڈیا پر حق خطیب کا جھوٹ اقرار الحسن کے ہاتھوں کھلتا نظر آیا کہ وہ کوئی ایسی کرامت نہیں رکھتے جس کی مدد سے وہ ایک پھونک سے بیمار کر تندرست کرسکیں وہیں دوسری جانب حق خطیب کا اقرار کا بوسہ لینا بھی وائرل ہوگیا۔

سوشل میڈیا پر ایک ویڈیو زیرِ گردش ہے جس میں اقرار غصے میں حق خطیب سے اپنے جوابات حاصل کرتے دکھ رہے ہیں اور اسی دوران حق خطیب اقرار کے گال پر اچانک بوسہ دیتے دکھے۔

 حق خطیب کو یہ عمل کرتا دیکھ ان کے مریدوں نے زور زور سے چلاتے ہوئے خوشی کا اظہار کرنا شروع کردیا جبکہ اقرار نے فوراً اپنے چہرے پر ہاتھ پھیر کر اسے صاف کیا۔

’ایکس‘ اکاؤنٹ تنازع، ہیکر اور اقرار کی انوکھی گفتگو وائرل

’ باس میں نے آپ کو کیا کہا ہے ؟‘ ، اقرار الحسن

سوشل میڈیا صارفین اس ویڈیو پر مختلف تبصرے کرتے نظر آرہے ہیں۔ بعض کو حق خطیب کی یہ حرکت ناگوار گزری تو متعدد منچلے اس پر میمز بناتے دکھ رہے ہیں۔

ایک صارف نے اس بوسے کی تصویر پر لکھا کہ ' اقرار الحسن اور حق خطیب نے ویلنٹائن منالیا'، جبکہ ایک صارف نے لکھا کہ ' اقرار کے ساتھ ظلم ہوا ہے ہمیں انصاف چاہئے'۔

واضح رہے کہ اس مناظرے کی ویڈیو سوشل میڈیا پر جاری کرتے ہوئے اقرار نے یہ دعویٰ کیا ہے کہ انہیں اور ان کی ٹیم کو کئی گھنٹوں یرغمال بنایا گیا، موبائل کیمرے چھین لیے گئے، پولیس نے ان کو تحافظ دیا جبکہ حق خطیب اپنی کرامات کو ثابت کرنے میں ناکام رہا۔