فوڈ

بوسٹن کریم ڈونٹس اب گھر میں بنائیں

Web Desk

2 years ago

بوسٹن کریم ڈونٹس اب گھر میں بنائیں

ہمارے یہاں بچے اور بڑے سب ہی ڈونٹس خوب شوق سے کھاتے ہیں۔ چاکلیٹ اور بوسٹن کریم ڈونٹس بچے خاص طور سے پسند کر تے ہیں۔یہ بطور سنیکس شام کی چائے کے ساتھ خوب ذائقہ دیتے ہیں۔ ڈونٹس کو ڈو سے تیار کیا جاتا ہے اور ان کو من پسند مٹیریل سے بھر کر بیک کیا جاتا ہے۔ انہیں گھر پر بھی بآسانی تیار کیا جاسکتا ہے۔ میٹھے میں کئی طرح کے چاکلیٹ ،کوکونٹ اورکریم ڈونٹس بہت پسند کیے جاتے ہیں۔ آج ہم آپ کے لیے ہر دلعزیز بوسٹن کریم ڈونٹس کی ریسیپی لائے ہیں۔

درکار اجزاء:

میدہ: ایک کلوگرام

انڈے: چار عدد

مکھن: 200 گرام

پاؤڈر کا دودھ: 100 گرام

نمک: دو چائے کے چمچ

خمیر: دو کھانے کے چمچ

کاسٹر شوگر: 100 گرام

ونیلا کریم کے لیے

دودھ: ایک کپ

کسٹرڈ پاؤڈر: دو کھانے کے چمچ

کاسٹر شوگر: دو کھانے کے چمچ

کریم: دو کھانے کے چمچ

ونیلا ایسنس: چند قطرے

چاکلیٹ سوس کے لیے

آئسنگ شوگر: ایک کپ

کوکو پاؤڈر: دو کھانے کے چمچ

مکھن: ایک چائے کا چمچ

ترکیب:

تمام اجزاء کو مکس کرلیں اور پھر گوندھے ہوئے آٹے کے پیڑے بنا لیں۔ اس کے بعد انہیں پھولنے (Rise) ہونے کے لیے رکھ دیں۔ آدھے سے ایک گھنٹے بعد کڑاہی میں ڈونٹس کو ڈیپ فرائی کرلیں، پھر درمیان میں سے کاٹ کر اندر ونیلا کریم بھر دیں۔ اوپر سے چاکلیٹ سوس لگا کر گھروالوں بالخصوص بچوں کو پیش کریں۔