پاکستانی ٹک ٹاک اسٹار سحر مرزا کے دولہا طلحہ نے نکاح پر غیرموجودگی کے سبب اٹھنے والے سوالوں پر برہمی کا اظہار کرتے ہوئے پہلا وضاحتی بیان جاری کردیا۔

ان دنوں سوشل میڈیا پر سحر مرزا کی شادی کی تقریبات کی تصاویر اور ویڈیوز نے رونق لگائی ہوئی ہے جس میں ان کی چھوٹی بہنیں و ٹک ٹاکرز جنت مرزا اور علشبہ انجم کو بھی بہن کی شادی کا جشن مناتے دیکھا جاسکتا ہے۔

سحر مرزا کی شادی میں بالی وڈ ستاروں کی آمد

پاکستانی ٹک ٹاک اسٹار جنت مرزا کی بہن سحر مرزا کی شادی کی تقریب سے قبل منعقدہ ایک...

سحر مرزا کے نکاح سے قبل ڈھولکی، دعائے خیر، مہندی، بالی وڈ نائٹ اور قوالی نائٹ کا انعقاد کیا گیا جس میں دیگر ٹک ٹاکرز نے بھی بڑھ چڑھ کر شرکت کی۔ 

اگرچہ ان تمام تقریبات میں سحر مرزا کو اپنی بہنوں اور متعدد ٹک ٹاک اسٹارز کے ساتھ ہلّہ گلّہ کرتے دیکھا گیا لیکن سحر کے مداحوں کو یہ تجسس لاحق رہی کہ آخر سحر کی شادی ہو کس سے رہی ہے؟

سوشل میڈیا صارفین کے تجسس میں اس وقت مزید اضافہ ہوگیا کہ جب سحر کے نکاح میں بھی انکے دولہا نہیں دکھے بلکہ نکاح آن لائن ہوا جس کو بڑی اسکرین پر تقریب میں دکھایا گیا۔

سحر مرزا نے بغیر دولہا شادی کرنے کی وجہ بتادی

پاکستانی معروف ٹک ٹاکر جنت مرزا کی بہن سحر مرزا نے شادی کی تقریبات میں دولہے کی...

شدید تنقید کے پیشِ نظر سحر مرزا نے ایک وضاحتی پیغام جاری کیا جس میں انہوں نے دولہا کی غیر موجودگی اور دیگر سوالوں پر اپنا موقف جاری کیا۔

انہوں نے لکھا کہ 'میں صرف اتنا کہوں گی کہ یہ تقریبات صرف میری طرف سے تھیں، لڑکے والوں کی طرف سے نہیں۔ نکاح ہوا ہے میرا۔ نکاح کے بعد مجھے رخصتی کرنی تھی، اپنے شوہر کے پاس جانا تھا، اپنے ہی گھر نہیں رہنا تھا۔ شوہر آئینگے تو اس سے بھی بڑے پیمانے پر تقریب کا انعقاد کریں گے'۔

بعدازاں سحر نے ان کے دولہا طلحہ کی جانب سے جاری کی گئی اسٹوری کو اپنے اکاؤنٹ پر شیئر کیا جس میں لکھا تھا کہ ' جو بھی لوگ مجھے میسج کر رہے ہیں کہ نکاح پر کیوں نہیں آئے ان سے کہنا چاہوں گا کہ اپنے معاملات کی فکر کریں'۔

انہوں نے مزید لکھا کہ ' کچھ لوگ مجھ سے پوچھ رہے ہیں کہ برطانیہ میں سیاسی پناہ (اسائلم ویزا) لے رکھا ہے یا پھر اسٹڈی ویزا ؟ تو انکو بتا رہا ہوں کہ میں لندن میں انڈیفینیٹ پہ رہتا اور تبصرے کرنے سے قبل گوکل سرچ کرلیں کہ انڈیفینیٹ ویزا کیا ہوتا ہے'۔

انہوں نے یہ بھی لکھا کہ ' حلال طریقے سے نکاح کیا ہے اور میرا خیال نہیں کہ اس پر کسی کو کوئی اعتراض ہونا چاہئے اور رہی بات تقریبات پر پیسہ خرچ کرنے کی تو اللہ پاک سب کو دیں، اگر ہے تو ہر کوئی لگاتا۔ یہ کوئی نہیں جانتا کہ کوئی کتنے ضرورتمندوں کی مدد کرتا ہے۔ برائے مہربانی اپنی زندگیوں پر توجہ دیں'۔

خیال رہے کہ طلحہ کے انسٹاگرام اکاؤنٹ کے مطابق ان کا تعلق سحر کے ہی آبائی شہر فیصل آباد سے ہے اور اب وہ لندن میں رہائش پذیر ہیں۔

سحر مرزا کے نامعلوم دولہا کی شناخت ہوگئی

دولہا طلحہ کون؟ شادی میں کہاں غائب رہا؟

طلحہ نے روائل ہولووے یونیورسٹی آف لندن سے تعلیم حاصل کی ہے جبکہ وہ ایک انٹرپرینور ہیں۔

واضح رہے کہ سحر مرزا کے طلحہ سے نکاح ہونے سے قبل سال 2023 میں شہران خان نامی لڑکے سے بڑی دھوم دھام سے منگنی ہوئی تھی جو نامعلوم وجوہات کی بناء پر ٹوٹ گئی تھی اور اب سحر طلحہ سے نکاح کرچکی ہیں۔