ہالی ووڈ کے معروف اداکار اور مشن امپوسیبل سیریز کے اسٹار ٹام کروز اور برطانیہ میں مقیم ان کی روسی گرل فرینڈ السینا خیرووا نے ایک دوسرے سے راہیں جدا کرلیں۔

 لندن کے سماجی اور دولت مند حلقوں میں معروف 37 سالہ السینا خیرووا اور 61 سالہ ٹام کروز کے درمیان بظاہر بڑے قریبی مراسم تھے ۔

فروری 2024 کے اوائل میں لندن میں ہونے والی دونوں کی ملاقات میں بریک اپ کا آغاز ہوا اور دوستانہ ماحول میں یہ تعلق ختم ہوا۔

ہالی وڈ اسٹار ون ڈیزل پر جنسی ہراسانی کا الزام

فاسٹ اینڈ فیوریس کے اسٹار ون ڈیزل مشکل میں پڑ گئے

بتایا جاتا ہے کہ ٹام کروز نے اس ہفتے کے شروع میں خیرووا کے دونوں بچوں سے ملاقات کی، خیرووا کی سابق شوہر سے 2020 میں طلاق ہوگئی تھی۔ 

اس کے علاوہ دونوں نے لندن کے ایک گالا ڈنر میں الگ الگ شرکت کی، یہ تقریب ایئر ایمبولینس چیرٹی کی امداد کے لیے منعقد کی گئی تھی۔

یاد رہے کہ ٹام کروز اور خیرووا لندن کے ایک ہی بلاک میں رہائش پذیر تھے اور دونوں کے درمیان دوستی کا آغاز 2023 میں ہوا تھا۔