انفوٹینمنٹ

کیا انور مقصود کو معین اختر کی یاد ستاتی ہے؟

بشریٰ انصاری کی اداکاری پر بھی تبصرہ

Web Desk

2 years ago

کیا انور مقصود کو معین اختر کی یاد ستاتی ہے؟

بشریٰ انصاری کی اداکاری پر بھی تبصرہ

معروف دانشور، ڈرامہ نگار ،صدا کار و ہدایت کار انور مقصود نے مرحوم معین اختر اور اداکارہ بشریٰ انصاری کیلئے دل سے چند الفاظ ادا کردیے۔

ایک انٹرویو میں انور مقصود سے سوال کیا گیا کہ 'آپ کو اداکار معین اختر مرحوم کی کمی شدت سے محسوس ہوتی ہوگی؟’

اس پر انہوں نے جواب دیا کہ 'جی معین اختر، میرے دل اور یادوں میں زندہ ہیں، 35 برس ہم نے اکٹھے کام کیا اور میں اب بھی جب کوئی ’’لوزٹاک‘‘ جیسا پروگرام لکھتا ہوں تو معین اختر کا نام لکھ کر مٹا دیتا ہوں، بڑے لوگ دنیا سے تو چلے جاتے ہیں لیکن لوگوں کے دلوں میں ہمیشہ زندہ رہتے ہیں'۔

میزبان نے پھر انور مقصود نے سوال کیا کہ 'بشریٰ انصاری کے فن اداکاری کے حوالے سے آپ کی رائے؟‘

اس پر انہوں نے کہا کہ 'بشریٰ انصاری ورسٹائل اداکارہ ہیں، جب سنجیدہ اداکاری کرتی ہیں تو تباہی پھیر دیتی ہیں، بہت اچھی مزاحیہ اداکارہ بھی ہیں لیکن اب ذرا ہیوی اداکارہ ہوگئی ہیں، جب وہ فیصل آباد کی جٹی بن جاتی ہیں تو میرا ان کے لیے مزاح لکھنا ناممکن ہوجاتا ہے'۔