لاہور کے علاقے اچھرہ سے خاتون کو صحیح سلامت ہزاروں لوگوں کے ہجوم سے زندہ بچانے والی خاتون اے ایس پی شہربانو سے آرمی چیف سید عاصم منیر سے ملاقات کی۔

آرمی چیف نے اے ایس پی شہربانو کی ڈیوٹی کے بے لوث لگن اور ایک غیر یقینی صورتحال پر قابو پانے میں پیشہ ورانہ مہارت کا مظاہرہ پیش کرنے پر تعریف کی۔

عربی لکھے کُرتے پر سعودی اسکالر عاصم الحکیم کا مؤقف کیا؟

سعودی اسکالر، استاد اور جدہ کی مسجد کے امام عاصم الحکیم نے لاہور کی اچھرہ مارکیٹ...

آرمی چیف کا کہنا تھا کہ پاکستانی خواتین زندگی کے تمام شعبوں میں اہم کردار ادا کر رہی ہیں، آزادی کے بعد سے، پاکستانی خواتین نے اپنی قابلیت، استقامت اور عزم کی وجہ سے اندرون و بیرونِ ملک خود کو ممتاز کیا ہے۔

انہوں نے کہا کہ آرمی چیف نے سماجی ہم آہنگی کی اہمیت اور عدم برداشت کو روکنے کے لیے ملک گیر اتفاق رائے کی ضرورت پر بھی زور دیا، آرمی چیف نے قانون کی حکمرانی پر زور دیتے ہوئے کہا کہ تحفظات اور شکایات کے حل کے لیے قانونی راستے میسر ہوتے ہوئے قانون کو ہاتھ میں نہ لیا جائے۔

لاہور میں توہینِ مذہب کے الزام میں خاتون ہراسانی کا شکار

پاکستان کے شہر لاہور میں ایک خاتون کو مبینہ طور پر عربی خطاطی کے پرنٹ والی قمیص...

آرمی چیف نے اس بات پر زور دیا کہ بدعت کی بنیاد پر من مانی کارروائیاں معاشرے کے نقطہ نظر کو کمزور کرتی ہیں

آرمی چیف جنرل عاصم منیر نے پاکستان کے شہریوں کے تحفظ کو یقینی بنانے کے لیے قانون نافذ کرنے والے اداروں کی قربانیوں کو بھی سراہا۔

سماجی رابطے کی ویب سائٹ ایکس پر اس وقت عاصم منیر اور اے ایس پی شہربانو کی ایک تصویر خوب وائرل ہو رہی ہے۔

 مذکورہ تصویر میں یہ دیکھا جا سکتا ہے کہ آرمی چیف عاصم منیر مسکراتے ہوئے شفقت بھرا ہاتھ بہادر خاتون افسر شہربانو کے سر پر رکھ رہے ہیں ۔

خاتون افسر شہربانو کو اس لیے ہر پاکستانی کی طرف سے سراہا جا رہا ہے کیونکہ گزشتہ دنوں لاہور میں ایک ایسا واقعہ پیش آیا کہ ایک خاتون پر لوگوں کے بڑے ہجوم نے یہ الزام لگایا کہ انہوں نے جو کپڑے پہن رکھے ہیں اس پر قرآنی آیات لکھی ہوئی ہیں جبکہ حقیقت میں ایسا نہیں تھا اس جوڑے پر عربی میں برانڈ کا نام اور سلوگن تحریر تھا ۔

’باس لیڈی‘ شوبز شخصیات بھی ASP شہربانو کی معترف

توہینِ مذہب کا الزام لگا کر  خاتون پر حملہ آوور ہونے والے لوگوں کے ایک بڑے ہجوم سے...

لوگوں کے ہجوم نے اس عورت پر حملہ کرنا چاہا تو اس نے ایک دکان میں پناہ لی اور اس کے بعد وہاں پولیس افسر شہربانو پہنچیں جو عوام کے درمیان سے مذکورہ خاتون کو لیکر بہادری سے نکل گئیں یہی نہیں بلکہ  انہوں نے مشتعل عوام کو خاموش بھی کروایا ۔