بھارتی اداکارہ راکول پریت سنگھ کے عروسی جوڑے میں دلکش لُک کی ویڈیو نے فیشن کے متوالوں کی توجہ حاصل کرلی۔

سال 2014 میں ریلیز ہونے والی فلم ’یاریاں‘ سے بالی وڈ کی دنیا میں قدم رکھنے والی اداکارہ راکول پریت سنگھ 21 فروری 2024 کو اپنی زندگی کی محبت، پروڈیوسر و اداکار جیکی بھگنانی کے ساتھ شادی کے بندھن میں بندھ گئیں۔

راکول پریت اور جیکی بھگنانی کی شادی کی رومانوی ویڈیو

بھارتی اداکارہ راکول پریت سنگھ اور پروڈیوسر و اداکار جیکی بھگنانی کی شادی کے...

اس نوبیاہتا جوڑی نے اپنی شادی کے یادگار لمحات پر مبنی ویڈیو فوٹو اینڈ ویڈیوشیئرنگ ایپ انسٹاگرام پر بھی جاری کیں جن میں دونوں کو خوشی میں ناچتے دیکھا جاسکتا ہے۔

راکول پریت سنگھ نے اپنی شادی پرتھری ڈی فلورل موٹیفس والا پیل پیچی سیلمن رنگ کا لہنگا اور چولی زیب تن کیا جو بھارتی فیشن ڈیزائنر ترون تہیلیانی نے دلہن کی فرمائش پر تیار کیا۔

ترون تہیلیانی نے راکول کے برائیڈل لُک کی ایک الگ ویڈیو اپنے انسٹاگرام اکاؤنٹ پر بھی جاری کی ہے جس میں شادی کے لمحات کے علاوہ راکول کو ترون کے ڈیزائنر ہاؤس آتے دکھایا گیا اور پھر شادی کیلئے تیار ہوتے دکھایا گیا۔

اس ویڈیو میں راکول کے عروسی جوڑے کو بے حد قریب سے دکھایا گیا ہے جس کے سبب اس لہنگا چولی کی خوبصورتی واضح طور پر عیاں ہورہی ہے۔

راکول اور جیکی بھگنانی کے عروسی جوڑے کیسے بنے؟

راکول اور جیکی بھگنانی کے عروسی جوڑے میں خاص کیا؟

واضح رہے کہ 21 فروری کو شادی کے بندھن میں بندھنے والی یہ اسٹار جوڑی گزشتہ چند سال سے محبت کے رشتے میں بندھی ہوئی تھی اور دونوں نے کبھی اپنے رشتے کو میڈیا اسپاٹ لائٹ سے چھپایا بھی نہیں لیکن دونوں نے کبھی کسی انٹرویو میں باقاعدہ اپنی محبت کا اعتراف بھی نہیں کیا۔