بالی وڈ اداکارہ تاپسی پنو کی ان کے بوائے فرینڈ میتھیاس بو سے شادی کی خبروں نے  مداحوں کو شادی کی تاریخ اور تقریب کے حوالے سے متجسس کردیا۔

بھارتی میڈیا رپورٹس کے مطابق تاپسی پنو مارچ کے آخری ہفتے میں اپنی زندگی کی محبت و بیڈمنٹن کھلاڑی میتھیاس بو سے شادی کرنے والی ہیں۔

شادی کے بندھن میں بندھنے والی یہ جوڑی گزشتہ 10 سال سے محبت کے رشتے میں بندھی ہوئی ہے اور بالآخر اب دونوں شادی کے فیصلہ لے چکے ہیں۔

تاپسی پنو کی شادی، دولہا کون؟

جوڑی گزشتہ 10 سال سے محبت کے رشتے میں بندھی ہوئی ہے

اگرچہ فی الحال تاپسی کی جانب سے شادی کے متعلق کوئی تصدیق نہیں کی گئی ہے لیکن انہوں نے سال 2023 میں ایک انٹرویو میں اپنی شادی کے متعلق بھی بات کی تھی۔

اس انٹرویو میں انہوں نے کہا تھا کہ ' وہ ایک دن پر مشتمل شادی چاہتی ہیں نہ کے انگنت ایونٹس والی شادی'۔

انہوں نے کہا کہ' وہ اپنی شادی پر پورے دن رقص کرتے ہوئے لطف اندوز ہونے کی خواہش رکھتی ہیں۔ وہ چاہتی ہیں کہ ان کی شادی میں کوئی ڈراما نہ ہو کیوں کہ ان کی اپنی پروفیشنل زندگی میں پہلے ہی بہت ڈراما ہے اور اصل زندگی کو پیشہ ورانہ زندگی سے مختلف بنانا چاہتی ہیں'۔

تاپسی، سوناکشی، پرینیتی اداکاری سے قبل کیا کرتی تھیں؟

بالی وڈ کی مایہ ناز اداکارائیں شوبز میں باقائدہ انٹری دینے سے قبل مختلف شعبہ ہائے...

انہوں نے اپنے برائیڈل لُک کے متعلق کہا کہ ' میری کبھی خواہش نہیں رہی کہ اپنی شادی کی تقریب میں ایسا میک اپ یا ہیئر اسٹائل بنواؤں جس کیلئے پورے گاؤں کی خواتین مجھ اکیلی پر محنت کریں۔ مجھے بہت افسوس ہوتا ہے ان دلہنوں کو دیکھ کر جو اپنے چہرے پر میک اپ کی تہہ جمائیں ہوتی ہیں'۔

تاپسی پنو کے ہونے والے دولہا 'میتھیاس' کون؟

بالی وڈ میں شادیوں کا سیزن ایک بار پھر آگیا ہے ، راکول پریت سنگھ کے بعد تاپسی پنو...

انہوں نے کہا کہ 'کیا فائدہ ایسی دلہن بننے کا کہ آپ آئینے میں دیکھ کر خود کو ہی نہ پہچان سکو۔ شادی کا لُک صرف اس ایک دن کیلئے نہیں بلکہ ساری عمر کیلئے ہوتا ہے اور کوئی نہیں چاہے گا کہ اس دن کی تصاویر دیکھ کر وہ خود کو ہی نہ پہچان سکے'۔

واضح رہے کہ بھارتی میڈیا رپورٹس کے مطابق تاپسی اور متھیاس کی شادی کی تقریب بھارتی ریاست راجھستان کے شہر ادے پور میں منعقد کی جائیگی جو ممکنہ طور پر سکھ اور عیسائی مذہب میں ہونے والی شادی کا فیوجن ہوگی۔