قومی اسمبلی کے سولہویں اجلاس میں پی ٹی آئی رہنما ایوان میں بانی پی ٹی آئی عمران خان کا ماسک پہن کر داخل ہوئے۔

قومی اسمبلی کے اجلاس میں پی ٹی آئی رہنما  شیر افضل مروت اور علی محمد اپنے قائد عمران خان کا روپ اختیار کرلیا۔

پی ٹی آئی کے آفیشل ٹوئٹر اکاؤنٹ سے جاری تصویر میں کہا گیا کہ ’عمران تو ہو گا کیونکہ قوم نے مینڈیٹ صرف عمران خان کو ہی دیا ہے‘۔

علی محمد خان نے ایکس پر جاری پیغام میں اپنے چاہنے والوں سے سوال کیا کہ ’کون بچائے گا پاکستان؟‘

خیال رہے کہ نو منتخب ارکانِ قومی اسمبلی نے حلف اٹھا لیا، اسپیکر قومی اسمبلی راجہ پرویز اشرف نے اراکین سے حلف لیا۔ حلف کے بعد تمام ارکان نے رجسٹر پر دستخط کیے۔

موجودہ قومی اسمبلی کا ایوان 336 ارکان پر مشتمل ہے، قومی اسمبلی کی 266 نشستوں پر براہِ راست انتخابات کے ذریعے ارکان منتخب ہوتے ہیں، باقی ارکان مخصوص نشستوں پر ایوان کا حصہ بنتے ہیں۔