برازیل کے سابق پیشہ ور ماشل آرٹسٹ 'رائس گریسی' نے اسلام قبول کر لیا ہے۔

رائس گریسی کی جانب سے اسلام قبول کرنے کا یہ فیصلہ غزہ کی پٹی میں اسرائیل کی حمایت پر عوامی ردعمل اور ٹرولنگ کے نتیجے میں دیکھنے میں آیا۔

رائس گریسی نے حال ہی میں ایک انسٹاگرام پوسٹ پر اسرائیل کی حمایت کا اعلان کیا تھا۔

ان کا کہنا تھا کہ 'جب میں نے پہلی بار سنا کہ اسرائیل میں کیا ہو رہا ہے ، تو میں نے وہاں اپنے دوستوں سے نجی طور پر رابطہ کرنے میں کوئی ہچکچاہٹ محسوس نہیں کی۔ لیکن اب میں واضح طور پر کہتا ہوں کہ میں ان کے ساتھ کھڑا ہوں۔'

اس کے بعد حال ہی میں رائس گریسی کی ملاقات امریکہ میں یوٹیوبر ایڈی ریڈزووک اور دین سینٹر کے ایک اسلامی اسکالر شیخ عثمان ابن فاروق سے ہوئی۔

اس شو پر گریسی اور شیخ عثمان نے غزہ کی صورت حال کی پیچیدگیوں پر تبادلہ خیال کرتے ہوئے ایک نظریہ فراہم کیا جو امن اور ہمدردی کے اصولوں سے ہم آہنگ ہو۔

انٹرویو کے دوران گریسی نے اسلام قبول کرنے پر خود میں رو نما ہونے والی کے تبدیلیوں کے علاوہ اس کی سمت اور مقصد کے گہرے احساس کو بیان کیا۔

انہوں نے مسلم کمیونٹی کے اندر اپنائیت کے احساس اور روحانی رہنمائی حاصل کرنے پر اظہار تشکر کیا۔

رائس نے غزہ میں جاری تشدد کی مذمت کرتے ہوئے مکہ مکرمہ اور سعودی عرب کے دورہ کا اعلان بھی کیا۔

امریکی ایم ایم اے فائٹر امبر لیبروک نے اسلام قبول کرلیا

معروف امریکی مکسڈ مارشل آرٹس فائٹر امبر لیبروک دائرہ اسلام میں داخل ہوگئیں۔اس...

گریسی نے واضح کیا کہ اب وہ شراب نوشی اور حرام اشیاء سے گریز کرتے ہیں جو اسلامی رسم و رواج کے مطابق ہے۔

رائس گریسی شیخ عثمان کے ذریعے کلمہِ شہادت پڑھتے ہوئے دائرہِ اسلام میں داخل ہوئے۔

اس کے بعد انہیں سبھی لوگوں کی جانب سے اس نئے روحانی سفر کے لیے مبارکباد دی گئیں۔