جام نگر میں اننت امبانی اور رادھیکا مرچنٹ کا شادی کی تقریبات ستاروں بھری ثابت ہوئیں جن میں بالی وڈ کے کئی بڑے ناموں نے شرکت کی تاہم چند ستاروں کے کچھ نمایاں چہرے ایسے بھی تھے جو ان میں شرکت نہ کر پائے۔

پریانکا چوپڑا ، ہریتھک روشن ، ویرات کوہلی ، انوشکا شرما ، کرن جوہر ، شلپا شیٹی ، کاجول اور دیول فیملی سمیت کئی بڑی اور نامور شخصیات ان فنکشنز میں شامل نہ ہو پائیں۔

بالی وڈ کے یہ ستارے مختلف وجوہات کی بناء پر ان تقریبات کا حصہ نہ بن پائے۔ کچھ کو صحت کے مسائل درپیش تھے تو کچھ کی اور مصروفیات تھیں۔

آئیے جانتے ہیں کہ کون کس وجہ سے جامنگر نہ آسکا۔

ہریتھک روشن پٹھوں کے درد کے باعث ان فنکشنز میں شامل نہیں ہوئے۔

انوشکا شرما اور ویرات کوہلی نے حال ہی میں اپنے دوسرے بچے کا خیرمقدم کیا ہے اور اس وقت وہ لندن میں مقیم ہیں جس کے باعث وہ ان تقریبات میں شامل نہ ہوپائے۔

گزشتہ سال اننت اور رادھیکا کی منگنی میں شرکت کرنے والے کرن جوہر بھی نامعلوم وجوہات کی بنا پر ایونٹ سے غائب دکھائی دیے۔

پرینکا چوپڑا بھی منظر سے غائب دکھائی دیں۔ ان کے بجائے ان کی والدہ مدھو چوپڑا نے ان تقریبات میں شرکت کی۔

کاجول بھی نامعلوم وجوہات کی بنا پر غیر حاضر تھیں لیکن اجے دیوگن اور نیسا کو تقریب میں شرکت کرتے ہوئے دیکھا گیا۔

اسی طرح شلپا شیٹی اور دیول فیملی بھی ان تقریبات میں غیر حاضر رہی تھیں۔