پاکستان

جیل میں عمران خان سے ملاقات پر پابندی

Web Desk

2 years ago

جیل میں عمران خان سے ملاقات پر پابندی

بانی پاکستان تحریکِ انصاف عمران خان سے جیل میں ملاقات پر پابندی عائد کیے جانے کے فیصلے پر پی ٹی آئی نے شدید برہمی کا اظہار کیا ہے۔

پاکستان تحریکِ انصاف کے آفیشل ایکس پر ایک پیغام شیئر کیا گیا جس میں انکا کہنا ہے کہ ن لیگ کی پنجاب حکومت کا یہ عمل انتہائی شرمناک ہے اور اب پنجاب حکومت نے فاشزم کی تمام حدیں پار کر دی ہیں۔

پی ٹی آئی کے مطابق یہ حکومت کا ڈر ہے کہ عمران خان کہیں کوئی بیان جاری نہ کر دیں، لہذا مذکورہ فیصلے کو متعلقہ حکام واپس لیں اور عمران خان کو اپنے ڈاکٹرز،فیملی اور پی ٹی آئی لیڈر شپ سے ملنے کی اجازت دیں۔

واضح رہے کہ بانی پی ٹی آئی سے ملاقات پر پابندی کا فیصلہ محکمہ داخلہ پنجاب نے کیا، ان سے ملاقاتوں پر پابندی کا اطلاق 2 ہفتوں کے لیے ہو گا۔جیل انتظامیہ نے منگل اور جمعرات کا دن ملاقاتوں کے لیے مختص کر رکھا تھا۔