پاکستان کے سابق وزیراعظم ذوالفقار علی بھٹو کی پوتی فاطمہ بھٹو کے ہاں بیٹے کی پیدائش ہوئی ہے۔

جمائما بھی فاطمہ بھٹو کی شادی پر خوش

فاطمہ بھٹو دو روز قبل جمعرات کے روز اپنے نکاح کی تقریب میں انتہائی دلکش دکھائی...

انہوں نے اپنے ہاں ننھے مہمان کی آمد کی اطلاع اپنی ایک ایکس پوسٹ کے ذریعے دی۔

انہوں نے بیٹے کی پیدائش اور نام کے حوالے سے اطلاع دینے کے لیے نیلے تھیم کا ایک پوسٹر جاری کیا جس پر نام بھی درج تھا۔

فاطمہ بھٹو اور گراہم نے اپنے بیٹے کا نام بچے کے نانا ’میر مرتضی بھٹو‘ کے نام سے مشابہہ ’میر مرتضیٰ بائرہ‘ رکھا۔

انہوں نے اپنی طویل پوسٹ میں لکھا کہ ’گراہم اور میں اپنے بچے کی پیدائش کی خبر سُنا کر بہت خوش ہیں۔‘

انہوں نے کہا کہ ہم اپنے بیٹے کو ایک ایسا نام دینا چاہتے تھے کہ جب وہ دنیا میں اپنا ایک مقام حاصل کرے تو وہ نام اسے ہمت دے،  میں ایک ایسا نام چاہتی تھی جو اس کی زندگی میں  الہام کا کام کرے، جو میرے بیٹے کی ماں کے دل کے بہت قریب ہو، زندگی بھر اسے آرام دہ اور محفوظ محسوس کروائے، جب بھی میں نے سوچا کہ ایسا کیا نام ہو سکتا ہے تو ہمیشہ میں نے اپنے پیارے والد کا نام اپنے ذہن میں پایا۔‘

فاطمہ بھٹو نے شادی کرلی، دولہا کون؟

سابق وزیراعظم ذوالفقار علی بھٹو کی پوتی فاطمہ بھٹو نے کراچی میں اچانک شادی کرلی۔

اپنی پوسٹ کے اختتام میں انہوں نے اپنے چاہنے والوں سے دعاؤں میں یاد رکھنے کی درخواست بھی کی۔

خیال رہے کہ فاطمہ بھٹو گزشتہ برس اپریل میں رشتۂ ازدواج میں منسلک ہوئی تھیں۔  ذوالفقارعلی بھٹو جونیئر نے اپنے ایک سوشل میڈیا پیغام میں بہن کے نکاح کی خبر سب کو سنائی تھی، انہوں نے کہا تھا کہ میری بہن فاطمہ بھٹو اور جبران کا نکاح ہوگیا، نکاح کی مختصرتقریب 70 کلفٹن کےگھرمیں اپنے داداکی لائبریری میں کی۔

فاطمہ بھٹو کی شادی میں خاتونِ اول کی شرکت

فاطمہ بھٹو کی نکاح کی تقریب میں خاتون اول تہمینہ درانی نے بھی شرکت کی۔

فاطمہ بھٹو شاعرہ اور ادیبہ ہیں اور وہ پاکستان ، امریکا اور برطانیہ کے مختلف اخباروں میں کالم بھی لکھتی ہیں۔

1997ء میں پندرہ برس کی عمر میں فاطمہ بھٹو کا پہلا شعری مجموعہ آکسفورڈ یونیورسٹی پریس پاکستان سے شائع ہوا تھا۔