مشہور سابق بھارتی کھلاڑی  و کمنٹیٹر نوجوت سنگھ سدھو نے ایک بار پھر کمینٹری کے میدان میں قدم رکھنے کی خبروں کی تصدیق کر تے ہوئے اپنے کمینٹری کے معاوضے سے متعلق  بڑا انکشاف کر دیا۔

بھارتی میڈیا کے مطابق انڈین پریمئیر لیگ (آئی پی ایل) 2024 میں ایک بار پھر نوجوت سنگھ سدھو کی کمینٹری سے شائقین اور ناظرین محظوظ ہونے والے ہیں۔

ویڈیو، شاہین آفریدی کے ولیمے میں نوجوت سنگھ سدھو کی شرکت ؟

پاکستانی سابق کرکٹر شاہد آفریدی کی بیٹی انشا اور فاسٹ باؤلر شاہین آفریدی کے ولیمے...

بھارتی نیوز ایجنسی کو دیے گئے انٹرویو میں سابق کھلاڑی کا کہنا تھا کہ 'آئی پی ایل ورلڈ کپ کی ٹون کو سیٹ کرے گا، سب دنیا کی نظریں آئی پی ایل پر ہیں، یہاں آنے والے ٹی ٹوئنٹی ورلڈ کپ کی شروعات کر سکتے ہیں'۔

ویرات کوہلی سے متعلق نوجوت سنگھ سدھو کا کہنا تھا کہ 'میں ایک معمولی وجہ کی بنا پر ویرات کوہلی کو بہترین بلے باز قرار دوں گا، اور وہ وجہ  ان کی فٹنس ہے لیکن وہ بڑھتی عمر کے ساتھ ساتھ مزید فٹ ہوتا جا رہا ہے'۔

کمینٹری سے متعلق نوجوت سنگھ سدھو نے بتایا کہ 'کرکٹ میرا پہلا پیار ہے، اگر آپ کا پیار ہی آپ کا پروفیشن بن جائے، تو اس سے بہتر اور کیا چاہیے؟'

نوجوت سنگھ سدھو کو کس سے خطرہ لاحق؟

حال ہی میں جیل سے رہا ہونے والے بھارتی سابق کرکٹر اور سیاست دان نوجوت سنگھ سدھو کی...

انہوں نے کہا کہ 'ایک بطخ کبھی بھی تیرنا نہیں بھول سکتی ہے۔ میں کمینٹری کو اسی طرح دیکھتا ہوں، جیسے کہ ایک مچھلی پانی کو اپنے لیے اہم سمجھتی ہے'۔

اپنے کمنٹری معاوضے سے متعلق بھی سدھو نے  کہا کہ 'ایک وقت تھا جب مجھے پورے ٹورنامنٹ کے 60 سے 70 لاکھ روپے ملتے تھے۔تاہم اب آئی پی ایل کے 1 دن کی کمینٹری کے 25 لاکھ بھارتی روپے ملتے ہیں'۔

واضح رہے کہ انٹرویو  کے آخر میں ان کا یہ بھی کہنا تھا کہ 'اطمینان اس بات کا نہیں ہے کہ پیسے کم تھے یا زیادہ، بلکہ اس بات کا ہے کہ وقت تبدیل ہو جاتا ہے، اور وہ خوبصورت وقت تھا'۔