اڈیالہ جیل میں قید سابق وزیراعظم عمران خان کے بارے میں انکشاف ہوا ہے کہ گزشتہ 6 ماہ کے عرصے میں ان کی خوراک پر 35 لاکھ روپے خرچ آیا ہے۔

سینیئر صحافی زاہد گشکوری نے رؤف کلاسرا کے پروگرام میں جیل ذرائع کے حوالے سے بتایا کہ اس عرصے میں عمران خان جیل کے اندر 65 مختلف شخصیات سے 976 ملاقاتیں کر چکے ہیں۔

عمران خان کی اڈیالہ جیل سے پہلی تصویر منظرِ عام پر

عمران خان کا جیل سے پیغام

ساتھ ہی یہ بات بھی سامنے آئی ہے جیل کے اندر سے عمران خان کی تصویر لیک کرنے والے شخص کا سراغ لگالیا گیا ہے۔

جیل ذرائع کا کہنا تھا کہ سابق چیئرمین پی ٹی آئی سے ملاقات کے لیے آنے والے لاہور کے ایک وکیل نے پین کیمرا کی مدد سے تصویر لی تھی جس پر ذمہ داروں کے خلاف کارروائی کی سفارش کردی گئی ہے۔

مذکورہ دعوے پر ردِ عمل دیتے ہوئے پاکستان تحریک انصاف (پی ٹی آئی) کے رہنما شیر افضل مروت نے کہ عمران خان کوئی مولانا فضل الرحمان ہیں جو 6 ماہ میں 35 لاکھ کا کھانا کھا گئے۔

جیل میں عمران خان سے ملاقات پر پابندی

بانی پاکستان تحریکِ انصاف عمران خان سے جیل میں ملاقات پر پابندی عائد...

انہوں نے کہا کہ قیدیوں کے لیے مخصوص اکاؤنٹ میں 80 ہزار روپے سے زیادہ جمع ہی نہیں ہوتے۔

ان کا مزید کہنا تھا کہ میں یہ معلوم کرنے کے بعد میڈیا کو جواب دوں گا کہ 6 ماہ میں ہم نے خان صاحب کے لیے کتنی رقم جمع کرائی ہے۔

شیر افضل مروت نے کہا کہ خان صاحب جیسے کفایت شعار آدمی سے یہ توقع کرنا کہ وہ 35 لاکھ کا کھانا کھا گئے فضول ہے کیوں کہ انہیں سادہ کھانا پسند ہے جس میں دہی اور سبزیاں شامل ہیں۔