پاکستانی ڈراما 'ہمسفر' میں چائلڈ اسٹار کے کردار 'حریم' کو ادا کرنے والی ننھی اداکارہ کی نئی تصاویر نے ڈراما ناظرین کو حیران کردیا۔

پاکستانی عوام کی توجہ بھارتی ڈراموں سے ہٹا کر پاکستانی ڈراموں پر واپس لانے والا ڈراما ’ہمسفر‘ سال 2011 میں پاکستانی ٹی وی اسکرینز کی زینت بنا جس نے مقبولیت کے تمام ریکارڈز توڑدیے۔

فواد خان کا ڈراما ’ہمسفر‘ ٹھکرانے کا ہوشربا انکشاف

اب ہمسفر کی پیش کش ہو تو نہیں کروں گا، فواد خان

اس ڈرامے میں سپر اسٹار ٖفواد خان نے 'اشعر' نامی امیر لڑکے کا کردار نبھایا تھا جبکہ پاکستانی حسینہ ماہرہ خان اشعر کی غریب پھوپھی کی بیٹی 'خرد' کا کردار نبھاتی نظر آئی تھیں۔

جہاں ڈرامے کی کہانی نے ناظرین کو خود سے جڑے رہنے پر مجبور کردیا وہیں فواد خان اور ماہرہ خان کی آن اسکرین جوڑی کو بھی خوب سراہا گیا۔

ماہرہ کی ’قوالی نائٹ‘ میں فواد خان نے محفل لوٹ لی

ماہرہ اور فواد ایک ساتھ، ڈرامہ ’ہمسفر ‘ کے مداح خوشی سے نہال

ڈرامے میں شامل ہر ایک اداکار نے بہترین اداکاری کے جوہر دکھائے جس کے سبب یہ ڈراما ناصرف پاکستانی بلکہ دیگر ممالک میں بھی چھا گیا۔

ڈرامے میں اشعر اور خرد کی ایک بیٹی بھی دکھائی گئی تھی جسے دل کے عارضے مبتلا دکھایا تھا۔

بھولی بھالی حریم کی معصوم اداکاری کو بے حد پسند کیا گیا تھا جس کے بعد وہ 2014 میں نشر ہونے والے ڈرامے 'چھوٹی' میں بھی جلوہ گر ہوئیں تھی اور متعدد ٹی وی کمرشلز کا بھی حصہ بنیں۔

اگرچہ 'ہمسفر' کے ناظرین کے ذہنوں میں آج بھی 'حریم' ایک چھ سے سات سال کی بچی ہے لیکن حقیقت میں حریم اب ایک نوجوان حسینہ بن چکی ہیں۔

حریم کا اصل نام سارا کاشف راجپوت ہے اور وہ انسٹاگرام پر اپنی دلکش تصاویر جاری کرتی رہتی ہیں۔

2003 میں پیدا ہونے والی سارا کاشف اب 21 سال کی ہوچکی ہیں اور بچپن کی طرح جوانی میں بھی حسین نظر آرہی ہیں۔

انہوں نے انسٹاگرام پر ٹرینڈنگ رِیل 'ٹیڈو' بھی بنا کر مداحوں کے ساتھ شیئر کی جس میں انہوں نے اپنے بچپن کی تصویر لگائی جس کے بعد اپنی حالیہ لُک کی تصویر شامل کی۔ 

سارا کاسف کی انسٹاگرام پر وائرل تصاویر نے ہمسفر کے ناظرین کو چونکا دیا ہے اور ان کو یقین نہیں آرہا کہ وقت اتنی تیزی سے گزر گیا کہ حریم اب ننھی نہیں خوبرو حسینہ بن چکی ہیں۔