سعودی عرب نے تارٰیخ میں پہلی بار عالمی مقابلہ حسن میں حصہ لینے کا فیصلہ کرلیا۔

مس یونیورس 2024 کے مقابلے میں ماڈل رومی القحطانی عالمی سطح پر اسلامی ملک سعودی عرب کی پہلی بار نمائندگی کریں گی۔

27 سالہ ماڈل رومی القحطانی نے پیر کو انسٹاگرام پر شیئر کیا کہ وہ بین الاقوامی مقابلہ حسن میں ملک کی پہلی شریک ہوں گی۔

رومی نے انسٹاگرام پر لکھا کہ ’مس یونیورس مقابلے میں سعودی عرب کی یہ پہلی شرکت ہے۔'

عرب نیوز کی رپورٹ کے مطابق رومی القحطانی کا کہنا تھا کہ 'میری شراکت عالمی ثقافتوں کے بارے میں جاننا اور اپنی مستند سعودی ثقافت اور ورثے کو دنیا تک پہنچانا ہے۔'

سعودی عرب میں ’شراب اسٹور‘ کھولنے کی تیاری

سعودی عرب کے دارالحکومت ریاض میں ملک کے  پہلے الکوحل اسٹور کے افتتاح کی تیاری کی...

ماڈل رومی القحطانی کون ہے؟

سعودی عرب کے دارالحکومت ریاض سے تعلق رکھنے والی رومی القحطانی عالمی مقابلہ حسن میں شرکت کے لیے جانی جاتی ہیں جس میں ان کی چند عرصہ قبل ملائیشیا میں منعقدہ مس اور مسز گلوبل ایشین میں شرکت بھی شامل ہے۔

مس سعودی عرب کا تاج پہننے کے علاوہ ، وہ مس مڈل ایسٹ (سعودی عرب) ، مس عرب ورلڈ پیس 2021 ، اور مس ویمن (سعودی عرب) کے ٹائٹل اپنے نام کر چکی ہیں۔