ترکیے نے مسافروں کو ویزا کے حصول کیے لیے بڑی سہولت فراہم کردی۔

ترکیے کی جانب سے آسان ای ویزا سروس متعارف کرائی گئی ہے ، جس سے سیاحوں اور کاروباری افراد کے لیے سفارت خانوں یا قونصل خانوں کے چکر لگائے بغیر  ویزے کا حصول آسان ہو گیا ہے۔

یہ سروس خصوصی طور پر دو قسم کے افراد کے لیے ڈیزائن کی گئی ہے۔ ایک وہ جن کے پاس با قاعده پاسپورٹ ہیں اور دوسرے وہ جن کے پاس پہلے سے ہی شنگھائی تعاون تنظیم کے رکن ممالک ، ریاست ہائے متحدہ ، برطانیہ اور آئرلینڈ کے ویزا یا ریزیڈنس پرمٹ ہوں۔

پاکستانی باشندے ترکیے کا ویزا گھر بیٹھے حاصل کرنے کے لیے ان تین آسان اقدامات پر عمل کریں :

درخواست دیں : پہلے مرحلے میں ترکیے کی ای ویزا درخواستوں کے لیے وقف سرکاری ویب سائٹ (https://www.evisa.gov.tr/en/) پر جائیں اور وہاں ذاتی معلومات اور تفصیلات فراہم کرکے درخواست کا عمل شروع کریں۔

فیس ادا کریں : ضروری معلومات درج کرنے کے بعد ، درخواست دہندگان کو مطلوبہ فیس کی ادائیگی ماسٹر کارڈ ، ویزا اور یونین پے سے ادا کرنی ہوگی۔

ڈاؤن لوڈ کریں : درخواست کی کامیاب تکمیل اور ادائیگی پر ، درخواست دہندگان کو اپنا ای ویزا ڈاؤن لوڈ کرنے کے لیے ایک لنک موصول ہوگا۔ مزید برآں ، ای ویزا کا لنک درخواست دہندہ کو ان کی سہولت کے لیے ای میل کردیا جائے گا۔ تجویز دی جاتی ہے کہ ای ویزا کی ایک کاپی کو قابل رسائی رکھا جائے۔

ترکیے کی 6 ممالک کے لیے ویزا فری انٹری

سرکاری اعلان فوری طور پر نافذ العمل ہوگیا

ان اقدامات کے علاوہ ، درخواست دہندگان کے لیے درج ذیل اہم تفصیلات سے آگاہ ہونا بے حد ضروری ہے۔

ویزا فیس : پاکستانی شہریوں کے لیے ترکی کا ای ویزا حاصل کرنے کی فیس  ڈالر  60 مقرر کی گئی ہے۔ یہ فیس مسافروں کو ترکی کی بھرپور ثقافت ، تاریخ اور قدرتی خوبصورتی کو دیکھنے کی رسائی فراہم کرتی ہے۔

مالی تقاضے : ویزا فیس کے علاوہ ، درخواست دہندگان کو مخصوص مالی ضروریات کو پورا کرنا ہوگا جن میں واپسی کی ٹکٹ اور تصدیق شدہ ہوٹل ریزرویشن کا ثبوت فراہم کرنا شامل ہے۔

ترک حکام نے یہ شرط عائد کی ہے کہ سیاحوں کو ترکی میں اپنے مطلوبہ قیام کے ہر دن کے لیے کم از کم 50 ڈالرز دستیاب ہونے چاہیے جس کی بینک اسٹیٹمنٹ ظاہر کرنی ہوگی۔