سوشل میڈیا

’میں وزیراعظم ہوں‘، شیراز نے شہباز شریف کی کُرسی سنبھال لی

شیراز اور مسکان کے پوری دنیا میں خوب چرچے ہورہے ہیں۔

Web Desk

’میں وزیراعظم ہوں‘، شیراز نے شہباز شریف کی کُرسی سنبھال لی

شیراز اور مسکان کے پوری دنیا میں خوب چرچے ہورہے ہیں۔

اسکرین گریب
اسکرین گریب

اپنے معصومانہ وی لاگنگ اسٹائل کے باعث چرچوں میں آنے والے شیراز اور مسکان کے پوری دنیا میں خوب چرچے ہورہے ہیں۔

گلگت، بلتستان سے اپنی ڈیلی ویلاگنگ کے ذریعے شہرت حاصل کرنے والے محمد شیراز کو ان کی دلچسپ مواد کی تخلیق اور ان کے معصومانہ اور بے ساختہ بات کرنے کے انداز کی وجہ سے پسند کیا جاتا ہے۔

 شیراز ایک ہفتے کے لیے رمضان ٹرانسمیشن ‘شانِ رمضان‘ کا حصہ بنے، بعد ازاں عمران ریاض خان اور ڈکی بھائی سے ملاقات بھی کی جس کے ویلاگز  اپلوڈ کیے گئے۔

شیراز کا حالیہ وی لاگ کافی خاص تھا کیونکہ اس میں وہ کسی اور سے نہیں بلکہ وزیراعظم پاکستان شہباز شریف سے ملنے پہنچے تھے، وہاں بھی انہوں نے اپنی سادگی سے وزیراعظم کو خوش کردیا۔

وزیر اعظم شہباز شریف نے ننھے ویلاگر کو اپنے دفتر میں مدعو کیا، شیراز اپنے والد اور بہن مسکان کے ساتھ وزیراعظم سے ملنے گئے۔

شیراز کی شہباز شریف سے ملاقات کی ویڈیو شیرازی ویلیج وی لاگز کے آفیشل انسٹاگرام اکاؤنٹ سے شیئر کی گئی۔

ویڈیو میں شہباز شریف ننھے ویلاگر سے بڑے پیار سے ملتے ہیں ، بہن مسکان کا پوچھتے ہیں اور باتوں میں مگن ہوجاتے ہیں۔

ایک موقع پر شہباز شریف شیراز سے پوچھتے ہیں کہ کیا آپ کو میرا نام پتہ ہے، جواب میں شیراز کہتا ہے کہ ’آپ کا نام شہباز شریف انکل ہے۔‘

انسٹاگرام پر جاری ویڈیو کے آخر میں وزیراعظم  اپنی کُرسی پر ننھے شیراز کو بیٹھا دیتے ہیں جس پر شیراز فوراً کہتا ہے کہ میں بھی وزیراعظم ہوں۔

شیراز کی اس بات پر وزیراعظم سمیت تمام لوگ ہی قہقہہ لگانے پر مجبور ہوجاتے ہیں۔

ننھے وی لاگر کی  وزیراعظم سے ملاقات کی ویڈیو کو ملا جلا ردعمل مل رہا ہے۔ بہت سے لوگ مقبولیت کی نئی بلندیوں پر پہنچنے پر بچے کی تعریف کر رہے ہیں جبکہ کچھ کہہ رہے ہیں کہ وہ واضح طور پر وزیر اعظم اور دیگر سیاسی شخصیات جیسے بڑے عہدیداروں سے ملاقات سے خوش نہیں کیونکہ وہ ایک معصوم اور سادہ سا بچہ ہے۔

اسکرین گریب
اسکرین گریب


تازہ ترین