فیشن

ہوپ گالا، عالیہ بھٹ کی ساڑھی 30 سال پرانی نکلی

ہوپ گالا 2024، عالیہ بھٹ کی ساڑھی 1994 میں تیار کی گئی

Web Desk

2 years ago

ہوپ گالا، عالیہ بھٹ کی ساڑھی 30 سال پرانی نکلی

ہوپ گالا 2024، عالیہ بھٹ کی ساڑھی 1994 میں تیار کی گئی

**عالیہ بھٹ کی ساڑھی ان سے عمر میں ایک سال چھوٹی**

بھارتی اداکارہ عالیہ بھٹ نے لندن میں منعقدہ ہوپ گالا میں فنڈ ریزنگ پروگرام کی میزبانی کرتے 30 سال پرانی ساڑھی پہن کر سب کی توجہ حاصل کرلی۔

بالی وڈ کی 'گنگو' عالیہ بھٹ نے 28 مارچ کو لندن میں سلام بمبئی فاؤنڈیشن کے زیرِ اہتمام ہوپ گالا کی میزبانی کے فرائض سرانجام دیے جس میں مالی تنگ دستی کا شکار بھارتی بچوں کیلئے فنڈز جمع کیے۔

یہ ایونٹ لندن کے مندرن اورینٹل ہوٹل میں منعقد ہوا جس میں گلوکارہ ہرشدیپ کور، کامیڈین جوشی، ہدایتکار گرندر چڈھا و دیگر معروف شخصیات نے شرکت کی۔

اس موقع پر عالیہ بھٹ نے دو مختلف ملبوسات زیب تن کیے۔ انہوں نے ریڈ کارپیٹ پر مرون لباس پہنا جبکہ گالا پر انہوں نے آئیوری فلورل ریشم ساڑھی زیب تن کی۔

عالیہ بھٹ کی یہ حسین ساڑھی بھارتی فیشن ڈیزائنر ابو جانی سندیپ کھوسلا کا شاہکار ہے اور انہوں نے اپنے انسٹاگرام پیج پر عالیہ کے مکمل لُک کی تصاویر کے ساتھ ساڑھی کی خاصیت بھی بتائی۔

پوسٹ کے مطابق یہ ساڑھی پر ہاتھ کا کام بنا ہوا ہے جو 30 سال قبل 1994 میں تیار کی گئی اور اس کی تیاری میں 3500 گھنٹے یعنی تقریباً 145 دن لگے۔

اس ساڑھی پر ریشم کے دھاگے کا کام بنا ہوا ہے۔ علاوہ ازیں اس پر سلور زری، کرسٹل اور موتی کا کام بھی کیا گیا ہے۔