عالمی منظر

فلسطین مخالف بیان، بیلا حدید کا اسرائیلی وزیر کو منہ توڑ جواب

امریکی ماڈل پہلے بھی کئی بار فلسطینیوں کے حق میں آواز بلند کرتی آئی ہیں

Web Desk

2 years ago

فلسطین مخالف بیان، بیلا حدید کا اسرائیلی وزیر کو منہ توڑ جواب

امریکی ماڈل پہلے بھی کئی بار فلسطینیوں کے حق میں آواز بلند کرتی آئی ہیں

فلسطینی نژاد امریکی ماڈل بیلا حدید نے اسرائیلی وزیر اورط اسٹروک کو فلسطین مخالف بیان دینے پرآڑے ہاتھوں لے لیا۔

سوشل میڈیا پر اورط اسٹروک کی ایک تقریر وائرل ہوئی جس میں وہ یہ دعویٰ کرتی دکھائی دیں کہ ‘فلسطینی لوگوں کا کوئی وجود نہیں ہے۔’

اس بیان کے ردِ عمل کے طور پر بیلا حدید نے اپنی ایک انسٹاگرام اسٹوری کے ذریعے اورط اسٹروک کو کرارا جواب دیا۔

بیلا حدید نے اسرائیلی وزیر کو پیشکش کی کہ ‘وہ ان کے والد کا پاسپورٹ چیک کریں اور ان لاکھوں لوگوں کو دیکھیں جنہیں اپنی سرزمین کی حفاظت کرنے پر مٹا دیا گیا۔ وہ زمین جو نسلوں سے فلسطینیوں کی ہے ، ان سے چھین لی گئی ۔ زندگی چھین لی گئی۔ گھروں کو اجاڑ دیا گیا ان لوگوں کے ہاتھوں جنہوں نے خود سے یہ فیصلہ کرلیا کہ یہ زمین ہمیشہ سے ان کی تھی اور رہے گی۔'

بیلا حدید اس سے قبل بھی متعدد بار فلسطین اور غزہ والوں کے حق میں آواز بلند کرتی آئی ہیں جن پر انہیں سنگین دھمکیاں بھی موصول ہوتی رہیں۔

واضح رہے کہ فلسطین پر اسرائیلی جارحیت اور مظالم کے باعث تک 32 ہزار سے زائد افراد شہید اور 74 ہزار سے زائد افراد زخمی ہوچکے ہیں۔ شہید ہونے والوں میں آدھی سے زیادہ تعداد بچوں کی ہے۔