ٹیکنالوجی کمپنی ایپل نے اعلان کیا ہے کہ کمپنی اپنے اور اپنی ایپس کے طریقہ کار میں کچھ بنیادی تبدیلیاں متعارف کرانے جارہی ہے۔

 کمپنی کی جانب سے کیے جانے والے اعلان کے مطابق اس تبدیلی کے بعد ایسا پہلی بار ہوگا کہ آئی فون صارفین دیگر ذرائع سے ایپس کو ڈاؤن لوڈ کر سکیں گے۔ 

ایپل کا یہ اعلان آئی او ایس (آئی فون کا آپریٹنگ سافٹ ویئر) میں لائی جانے والی بڑی تبدیلی کی نشان دہی کرتا ہے۔

 نئی تبدیلی کا مطلب ہے کہ آئی فون صارفین ایپل کی حریف کمپنیوں کی ماکیٹ پلیس کو ڈاؤن لوڈ کرسکتے ہیں جن سے انہیں ان ایپس تک رسائی حاصل ہوگی جو ایپل اسٹور پر موجود نہیں ہوں گی کیونکہ ایپل کا ان پر کوئی کنٹرول نہیں ہوگا۔

ایپل صارفین کیلئے نئی سیکیورٹی اپ ڈیٹ

ٹیکنالوجی کمپنی ایپل نے اپنی متعدد پروڈکٹس کے لیے نئی سیکیورٹی اپ ڈیٹ جاری کر...

 تبدیلی متعارف کرائے جانے کے علاوہ آئی فون صارفین ایکس باکس کلاؤڈ گیمنگ جیسی اسٹریمنگ سروسز کو بھی ڈاؤن لوڈ کر سکیں گے، جن پر اس سے قبل پابندی عائد تھی۔

 تبدیلی کے بعد زیادہ تر نئے قواعد کا اطلاق صرف یورپی یونین ممالک میں ہوگا جبکہ گیمز میں لائی جانے والی تبدیلیوں کا اطلاق عالمی سطح پر ہوگا۔

 ایپل کی جانب سے یہ تبدیلیاں یورپی یونین کے ڈیجیٹل مارکیٹس ایکٹ کے دباؤ میں لائی جارہی ہیں۔