بھارت کی ساؤتھ فلم انڈسٹری پر راج کرنے والے ‘الو ارجن’ کی مقبول ترین فلم ‘پُشپا’ کے سیکوئل ‘پُشپا 2' کے ٹیزر نے یوٹیوب پر ریکارڈ توڑ ڈالے۔

'پُشپا 2' کی ریلیز میں کتنے دن باقی؟

پشپا راج کی واپسی میں کتنے دن باقی ؟

فلم ’پشپا: دا رائز‘ 2021 میں سینما گھروں کی زینت بنی تھی اور اس فلم نے ریلیز ہوتے ہی بھارت میں طوفان مچا دیا تھا اور شاندار کامیابی کے ساتھ یہ 2021 میں سب سے زیادہ کمائی کرنے والی فلم ثابت ہوئی۔

الّو ارجن 'پشپا: دی رائز' کی زبردست کامیابی کے بعد سے فلم کے سیکوئل 'پشپا 2: دا رول' کے لیے کام کر رہے تھے اور بلآخر 3 سال بعد فلم کا دوسرا سیکوئل سینما گھروں کی زینت بننے والا ہے۔

فروری 2023 میں فلم کا پوسٹر جاری کیا گیا تھا اور اب فلم کا آفیشل ٹیزر بھی فلم بینوں کی خدمت میں پیش کردیا گیا ہے۔

ٹیزر نے یوٹیوب پر جاری ہوتے ہی ویوز کے ریکارڈ توڑ ڈالے ہیں اور  فقط ایک دن میں ٹیزر 4 کروڑ سے زائد ویوز حاصل کرنے میں کامیاب ہوچکا ہے۔

میڈیا رپورٹس کے مطابق ‘ پشپا 2′ کا ٹیزر ریلیز کے ساتھ ہی یوٹیوب کے ٹرینڈنگ پینل میں نمبر ون پر ہے اور اس کے ویوز میں ہر ایک منٹ میں اضافہ ہورہا ہے۔

الو ارجن اپنے مداحوں کو ’پشپا 2‘ کے سیٹ پر لے گئے

کالی وڈ کے معروف اداکار الو ارجن نے آئندہ سال ریلیز ہونے والی فلم ’پشپا ٹو‘ کی...

سال 2021 میں الو ارجن اور رشمیکا مندانا کی فلم ’پشپا: دا رائز‘ ریلیز ہوئی تھی جس نے باکس آفس پر ریکارڈ کمائی کرتے ہوئے پوری دُنیا میں اپنی مقبولیت کے جھنڈے گاڑے تھے۔

20 سال سے اداکاری کی دنیا سے وابستہ الّو ارجن کے مداح ان کی فلم پُشپا کے پارٹ ٹو کا بے صبری سے انتظار کر رہے ہیں اور الّو ارجن سے زیادہ ان کے مداح فلم کی کامیابی کے لیے پُر امید ہیں۔

واضح رہے کہ 'پُشپا 2: دا رول' رواں سال ماہِ اگست میں سینما گھروں کی زینت بننے جارہی ہے اور فلم کی ریلیز سے قبل ہی اس کی کامیابی کی پیشگوئیاں کی جارہی ہیں۔