کھیل

روایت قائم، بابر اعظم عید منانے پرانے محلے پہنچ گئے

بابر اعظم نے بھی عید کی مناسبت سے آف وائٹ پرنٹڈ کُرتا زیب تن کیا۔

Web Desk

2 years ago

روایت قائم، بابر اعظم عید منانے پرانے محلے پہنچ گئے

بابر اعظم نے بھی عید کی مناسبت سے آف وائٹ پرنٹڈ کُرتا زیب تن کیا۔

قومی کرکٹ ٹیم کے کپتان بابر اعظم نے روایت قائم رکھتے ہوئے اس عید پر بھی پرانے محلے پہنچ گئے۔

بابر اعظم نے سوشل میڈیا پر عید کی مناسبت سے اپنی تصاویر جاری کیں جن میں انہیں والد اور والدہ کیساتھ اپنے گھر میں دیکھا جاسکتا ہے۔

بابر اعظم نے بھی عید کی مناسبت سے آف وائٹ پرنٹڈ کُرتا زیب تن کیا۔

ایک دوسری تصویر میں بابر اعظم اپنے پرانے محلے کے گھر کہ چھت پر اپنے بھائیوں اور دیگر دوستوں کے ہمراہ موجود ہیں۔

بابر اعظم کا بچپن فردوس مارکیٹ گلبرگ کے علاقے میں گزرا ہے اور اب وہ ڈیفنس منتقل ہو گئے ہیں، گزشتہ برس بھی بابر اعظم اپنے بچپن کے محلے میں عید منانے پہنچے تھے اور پرانے دوستوں اور محلے داروں کے ساتھ وقت گزارا تھا۔

بابر اعظم کا اُس پوسٹ میں کہنا تھاکہ اس سال اپنے بچپن والے گھر میں عید منانے کا موقع ملا، کیا بے پناہ یادیں ہیں سب کو عید مبارک ہو۔

تصاویر کے کپشن میں بابر اعظم نے ’عید مبارک‘ لکھا۔

خیال رہے کہ پاکستان 18 اپریل سے نیوزی لینڈ کیخلاف شروع ہونے والی پانچ میچوں کی ٹی ٹوئنٹی سیریز کیلئے مکمل طور پر تیار ہے۔ اس ٹیم کی قیادت بابر اعظم کریں گے۔