تنازعات کا شکار بدنام زمانہ امریکی فٹ بالر اور اداکار او جی سمپسن 76 سال کی عمر میں کینسر سے طویل علالت کے بعد چل بسے۔

او جی سمپسن 1995 میں اپنی سابقہ بیوی کو قتل کرنے کے الزام سے تو بری ہوگئے تھے لیکن ایک دیوانی مقدمے میں انہیں اہلیہ کی موت کا ذمہ دار قرار دیا گیا تھا۔

’دی سمپسنز‘ کے پروڈیوسر جان بش 69 سال کی عمر میں چل بسے

پیش گوئیوں کے حوالے سے شہرت رکھنے والے شو ’ دی سمپسنز‘ کے پروڈیوسر جان بش 69 برس کی...

اس کے علاوہ وہ مسلح ڈکیتی اور اغوا کے مقدمے میں قید کی سزا بھی کاٹ چکے تھے۔

سمپسن کو لاس اینجلس کی جیوری نے جس مقدمے میں بری کیا تھا اسے امریکی میڈیا نے "صدی کا ٹرائل" قرار دیا تھا،

سمپسن اس وقت جیل سے بچ گئے جب وہ 1994 میں لاس اینجلس میں سابق اہلیہ نکول براؤن سمپسن اور اس کے دوست رونالڈ گولڈمین کی چاقو کے وار سے ہلاکت میں مجرم نہیں پائے گئے۔

تاہم 2008 میں مسلح ڈکیتی اور لاس ویگاس کے ایک ہوٹل میں بندوق کی نوک پر کھیلوں کی یادگاری اشیا کے دو ڈیلرز کو اغوا کرنے کے 12 الزامات پر سزا سننے کے بعد 9 سال تک جیل میں رہے۔

معروف گلوکار پنکج ادھاس چل بسے

پنکج ادھاس ریچ کینڈی اسپتال میں انتقال کرگئے

سمپسن 'دی جوس' کے عرف سے مشہور تھے اور 1960 اور 1970 کی دہائی کے بہترین اور مقبول ترین کھلاڑیوں میں سے ایک تھے۔

سمپسن نے اپنے فٹ بال اسٹارڈم کو بطور اسپورٹس کاسٹر، ایڈورٹائزنگ پچ مین اور ہالی وڈ اداکار میں تبدیل کیا، ان کی فلموں میں 'نیکڈ گن' سیریز بھی شامل ہے۔

سمپسن نے اپنی پہلی بیوی مارگریٹ سے 1967 میں شادی کی تھی اور ان کے تین بچے تھے، جن میں ایک وہ بچہ بھی شامل تھا جو 1979 میں 2 سال کی عمر میں گھر کے سوئمنگ پول میں ڈوب گیا تھا اور اسی سال جوڑے کی طلاق بھی ہوگئی تھی۔

سابق بھارتی کرکٹر دتا جی راؤ چل بسے

بھارت کے معروف سابق معمر ترین کرکٹر دتا جی راؤ گائیکوارڈ 95 برس کی عمر میں انتقال...

سمپسن کی مستقبل کی بیوی نکول براؤن سے اس وقت ملاقات ہوئی جب وہ 17 سالہ ویٹریس تھیں اور اس کی شادی ابھی مارگریٹ سے چل رہی تھی۔

بعدازاں سمپسن اور نکول براؤن نے 1985 میں شادی کی اور ان کے دو بچے تھے۔