اداکار سونو سود ویسے تو مداحوں کے ہر دلعزیز سمجھے جاتے ہیں لیکن ایک ڈیلیوری بوائے کے جوتے چرانے کی حرکت پر ان کا مشورہ لوگوں کو ایک آنکھ نہیں بھایا۔

سوشل میڈیا پر وائرل ایک ویڈیو میں دیکھا جاسکتا ہے کہ ایک ڈلیوری بوائے ایک صارف کے گھر کے باہر رکھے جوتے چرا رہا ہے۔

ویڈیو وائرل ہونے کے بعد ڈلیوری کمپنی سمیت متعدد سوشل میڈیا صارفین نے اس پر تبصرے کیے۔

سونو سود بیمار بھارتیوں کی آخری امید بن گئے

بھارتی اداکار سونو سود گزشتہ کچھ سالوں سے اپنی عوام کے سب سے بڑے مسیحا بن کر سامنے...

کمپنی کا کہنا تھا کہ 'ہم اپنے ڈلیوری پارٹنر سے بہتر (رویے) کی امید رکھتے ہیں'۔

تاہم اسی بہتی گنگا میں سونو سود نے اپنا تبصرہ شامل کر کے اپنا حصہ بھی ڈالا جس پر صارفین نے برہمی کا اظہار کیا۔

سونو سود نے کہا تھا کہ جوتے چرانے والے ملزم کے خلاف کوئی کارروائی نہیں کی جانی چاہیے۔

ایک پوسٹ میں انہوں نے لکھا کہ 'اگر ڈلیوری بوائے نے کسی کے گھر کھانا پہنچاتے وقت جوتے چوری کرلیے ہیں تو اس کے خلاف کوئی کارروائی نہ کریں، بلکہ اسے ایک نیا جوتا خرید کر دیں، ہوسکتا ہے وہ شدید ضرورت مند ہو۔' ساتھ ہی انہوں نے پوسٹ کے اختتام میں دل والا ایموجی بھی بنایا۔

سونو سود کے دل میں پاکستانی شخص گھر کر گیا، وجہ کیا؟

بالی وڈ اداکار سونو سود ترکیہ کے شہر استنبول میں ایک پاکستانی مداح سے ملاقات کے...

سونو سود کو یہ بیان جاری کرنا بہت مہنگا پڑگیا اور  ایکس صارفین کی جانب سے انہیں اب شدید تنقید کا سامنا ہے۔ 

زیادہ تر ایکس صارفین اداکار کے مشورے پربرہمی کا اظہار کرتے ہوئے اس کے خلاف بحث کرتے  دکھ رہے ہیں۔

ایک صارف نے کہا کہ کوئی کارروائی نہ کرنے کا مطالبہ کرنا پھر بھی ٹھیک ہے، لیکن فضول دلائل دے کر اسے درست ثابت نہ کریں۔

صارف نے مزید کہا کہ 'غربت/ضرورت چوری کا کوئی جواز نہیں ہے، اس ڈیلیوری والے سے بھی زیادہ غریب لاکھوں لوگ موجود ہیں، جو محنت مزدوری کرتے ہیں اور اپنی روزی کماتے ہیں، وہ چوری نہیں کرتے، چوری کو جائز قرار دینا ان کی توہین ہے'۔ 

ایک اور صارف نے طنز کرتے ہوئے کہا کہ 'اگر کوئی لٹیرا آپ کی سونے کی زنجیر چوری کرتا ہے تو اس کے خلاف کارروائی نہ کریں درحقیقت اسے سونے کی نئی چین خرید دیں'۔

عاطف اسلم کی ’آٹو ٹیون‘ والے گلوکاروں پر تنقید

پاکستانی گلوکار عاطف اسلم نے ٹیکنالوجی کی ایجاد ’آٹو ٹیون‘ کے ذریعے اپنی آواز کو...

نوین نامی صارف نے پوچھا 'تو اگر مجھے کسی چیز کی ضرورت ہو تو کیا مجھے کسی کے گھر سے کچھ چوری کرنے کی اجازت ہے؟ یہ ان سب سے عجیب پوسٹس میں سے ایک ہے جو میں نے کبھی پڑھی ہے'۔

اوجے نامی صارف نے کہا کہ 'بے ایمانی کی حوصلہ افزائی نہیں کی جانی چاہیے۔۔۔ جب تک کسی کو مدد کی اشد ضرورت نہ ہو'۔

ایک اور صارف کا کہنا تھا کہ 'چاہے کچھ بھی ہوجائے، آپ ایک چور کو سپورٹ نہیں کرسکتے'۔