ایلون مسک کا ایکس کے نئے صارفین سے فیس بٹورنے کا ارادہ
مسک نے جعلی، بوٹ اکاؤنٹس کی روک تھام کیلئے فیس کو ناگزیر قرار دیا۔

سوشل میڈیا پلیٹ فارم 'ایکس' کے سی ای او ایلون مسک نے نئے صارفین کے لیے پوسٹ لکھنے، جواب دینے یا اسے لائیک کرنے کے لیے ایک معمولی سی فیس کی تجویز پیش کی ہے۔

ایکس پر ایک پوسٹ میں ایلون مسک نے کہا کہ ویب سائٹ پر ‘بوٹس کے بے لگام حملے کو روکنے’ کے لیے ایسا اقدام ناگزیر ہوگا۔
انہوں نے مزید کہا کہ 'موجودہ مصنوعی ذہانت (اور ٹرول فارمز) بہت آسانی کے ساتھ 'کیا آپ بوٹ ہیں؟' کا چیک پاس کرسکتے ہیں۔
ایکس پر غلط معلومات پھیلانے اور اسپام کرنے والے بوٹس اور جعلی اکاؤنٹس کے بڑھتے ہوئے مسئلے کی مزید وضاحت کرتے ہوئے، انہوں نے کہا کہ 'جعلی اکاؤنٹس کا حملہ دستیاب نام کی گنجائش کو بھی استعمال کرتا ہے، جس کے نتیجے میں بہت سے اچھے ہینڈلز لے لیے جاتے ہیں۔'
ایلون مسک نے کہا کہ لیکن اس طرح کی فیس ادا کرنے کی تکلیف، فائدہ سے زیادہ ہو جائے گی۔
ان کا مزید کہنا تھا کہ یہ فیس صرف نئے صارفین کے لیے ہوگی جس کے وہ 3 ماہ کے بعد مفت میں پوسٹ لکھ اور لائیک وغیرہ کر سکیں گے۔'
تاہم اس پالیسی کو نافذ کرنے کے بارے میں ایکس کی جانب سے ٹائم فریم یا مخصوص فیس کے بارے میں ابھی تک کوئی معلومات جاری نہیں کی گئی ہیں جو نئے صارفین کو ادا کرنے کی ضرورت پڑ سکتی ہے۔
یاد رہے کہ اکتوبر میں ایکس نے نیوزی لینڈ اور فلپائن میں نئے غیر تصدیق شدہ صارفین کے لیے اسپام اور بوٹ اکاؤنٹس کی سرگرمیوں کی روک تھام کے لیے مواد پوسٹ کرنے اور اس کے ساتھ انٹریکٹ کرنے کے لیے ایک ڈالر سالانہ چارج کرنا شروع کیا تھا۔
-
انفوٹینمنٹ 39 منٹ پہلے
زارا نور اور حرا مانی کی سنیل شیٹی سے اچانک ملاقات
-
انفوٹینمنٹ 41 منٹ پہلے
کرسٹوفر نولن کے آگے جنید اور ہمیش کا جادو نہ چل سکا
-
اسکینڈلز 2 گھنٹے پہلے
'گھٹیا ذہنیت' بی پراک کا رنویر الٰہ آبادیہ کے پوڈکاسٹ میں شرکت سے انکار
-
انفوٹینمنٹ 2 گھنٹے پہلے
ہانیہ عامر بھی بالی وڈ میں کام ڈھونڈنے لگیں