معروف فیشن میگزین ووگ پر بھارتی سوشل میڈیا صارفین بالی وڈ اداکارہ تبو کو بدصورت انداز میں پیش کرنے کا الزام لگا رہے ہیں۔

بھارتی ویب سائٹ کے مطابق تبو نے حال ہی میں فیشن میگزین ووگ انڈیا کے لیے فوٹوشوٹ کروایا تھا اور میگزین نے اداکارہ کی تصاویر کو انسٹاگرام پر شیئر کیا تو صارفین نے ان پر ناراضی کا اظہار کیا۔

فیشن میگزین کی جانب سے اداکارہ کی تصاویر شیئر کیے جانے کے بعد صارفین نے انسٹاگرام پر کمنٹس کرتے ہوئے میگزین اور اداکارہ سے مطالبہ کیا کہ مذکورہ تصاویر کو ڈیلیٹ کیا جائے۔

صارفین نے دعویٰ کیا کہ تبو بھارت کی خوبصورت ترین اداکارہ ہیں لیکن میگزین نے اسے تصاویر میں بدصورت انداز میں پیش کیا۔

زیادہ تر صارفین کی جانب سے تبو کی ان چند تصاویر پر ناراضی کا اظہار کیا گیا، جن میں اداکارہ کافی مختلف دکھائی دے رہی ہیں۔

انسٹاگرام پر شیئر کی گئی تصاویر کو دیکھ کر کوئی بھی تبو کو پہچان نہیں پائے گا کیوں کہ مذکورہ تصاویر میں ان کا میک اپ اور انداز کافی تبدیل کیا گیا ہے۔

صارفین نے الزام عائد کیا کہ تبو کو خراب میک اپ، بدترین ڈریس ، لائٹنگ اور فوٹوگرافی کی مدد سے بدصورت انداز میں پیش کیا گیا۔

مذکورہ تصاویر میں تبو کو سیاہ و سفید رنگوں کے لباس میں دیکھا جا سکتا ہے جب کہ چہرے کے میک اپ سے وہ کافی مختلف نظر آتی ہیں۔

تبو اجے کو پسند کرتی ہیں، بڑ ا انکشاف

مشہور بھارتی اداکارہ تبو نے آج تک کیا واقعی اجے دیوگن کی خاطر شادی نہیں کی؟بالی...

صارفین کی تنقید پر اداکارہ تبو اور فیشن میگزین نے فوری طور پر کوئی جواب نہیں دیا۔