سابق پاکستانی کرکٹر اور کمنٹیٹر وسیم اکرم نے اپنی جم سیشن کے دوران لی گئی تصویر مداحوں کے ساتھ شیئر کر کے سب کو حیران کردیا۔

گزشتہ 25 سال سے ذیابطیس کا شکار وسیم اکرم اپنی بہترین ڈائیٹ اور کثرت سے خود کو صحتمند رکھے ہوئے ہیں اور اس حوالے سے وہ متعدد مرتبہ بات بھی کرچکے ہیں۔

وہ چار کھلاڑی جن کو آؤٹ کرنا وسیم اکرم کی کیمپ میں شمولیت کی وجہ بنا

یقیناً یہ بات کوئی نہیں جانتا ہوگا کہ 3 جون 1966ء کو لاہور میں پیدا ہونے والا لڑکا...

وہ اپنی صحت کا بے حد خیال رکھتے ہیں اور یہی وجہ ہے کہ ان کو دیکھ کر کوئی یہ اندازہ بھی نہیں لگاسکتا کہ وہ 57 برس کے ہیں۔

گزشتہ چند دنوں سے وسیم اکرم کے مداح ان کی صحت کے حوالے سے بے حد فکرمند تھے اور انکو سوشل میڈیا پر بذریعہ میسجز اور کمنٹس یہ کہہ رہے تھے کہ آپ بے حد کمزور لگ رہے ہیں۔

مداحوں کے پیغامات پر اب وسیم اکرم نے سماجی رابطے کی ویب سائٹ ایکس پر اپنی ایک تصویر جاری کی ہے جس میں انہیں جم میں کثرت کرتے دیکھا جاسکتا ہے۔

پوسٹ کے کیپشن میں انہوں نے لکھا کہ ' میں آپ سب کی جانب سے ملنے والی سپورٹ کا شکرگزار ہوں، میں اپنے اوپر بہت محنت کر رہا ہوں'۔

انہوں نے لکھا کہ ' عمر صرف ایک نمبر ہے اور میں اس وقت خود کو گزشتہ تمام سالوں کے مقابلے میں بہت بہتر محسوس کر رہا ہوں'۔

وسیم اکرم نے کہا کہ ' لیکن پھر بھی آپ میں سے بعض لوگ تاحال کشمکش کا شکار ہیں تو انکے لیے میرا جواب یہ تصویر ہے'۔