بالی وڈ کی سپر اسٹار عالیہ بھٹ کا نام ٹائمز میگزین کی جانب سے جاری کی گئی 'دنیا کی 100 بااثر شخصیات' کی فہرست میں شامل کرلیا گیا۔

بھارتی میڈیا رپورٹس کے مطابق حال ہی میں ٹائمز میگزین نے سال 2024 کے لیے دنیا کی 100 بااثر شخصیات کی فہرست جاری کی ہے جس میں عالیہ بھٹ کا نام بھی شامل ہے۔

عالیہ بھٹ کا ہالی وڈ کی ڈیبیو فلم میں کردار کیا؟ اہم انکشاف

بھارتی معروف اداکارہ عالیہ بھٹ فلم ’دا ہارٹ آف اسٹون‘ سے ہالی وڈ میں ڈیبیو دینے...

سال 2022 میں بالی وڈ فلم ’گنگو بائی کاٹھیاواڑی‘ کی بہترین کامیابی کے بعد اداکارہ نے سال 2023 میں امریکی فلم انڈسٹری کا رخ کیا جہاں انہوں نے  11 اگست کو ریلیز ہونے والی فلم ’ہارٹ آف اسٹون‘ سے ہالی وڈ کی دنیا میں قدم رکھا۔

’ہارٹ آف اسٹون‘ کی ہدایتکاری برطانوی مصنف اور فلمساز ٹام ہارپر نے کی جبکہ فلم میں نامور اسرائیلی اداکارہ گیل گیڈوٹ نے مرکزی کردار ادا کیا۔

عالیہ بھٹ کے دنیا بھر میں چرچے، اداکارہ نے کس کی نقل کی؟

بھارتی معروف اداکارہ عالیہ بھٹ نے نیو یارک کے میٹروپولیٹن میوزیم آف آرٹ میں ہالی...

عالیہ بھٹ کا نام ٹائم میگزین کی جانب سے جاری کی گئی 100 بااثر شخصیات کی فہرست میں شامل ہونا انکے مداحوں کو خوش کرگیا ہے۔ علاوہ ازیں خود عالیہ بھٹ بھی اس پر بے حد خوش ہیں۔

انہوں نے ٹائمز میگزین میں شائع ہونے والے ٹام ہارپر کے انٹرویو کو فوٹو اینڈ ویڈیو شیئرنگ ایپ انسٹاگرام پر شیئر بھی کیا جس میں ٹام ہارپر نے اداکارہ کی تعریفوں کے پُل باندھ دیے ہیں۔

ٹام ہارپر نے کہا کہ ' عالیہ بھٹ صرف ایک بہترین اداکارہ ہی نہیں بلکہ ایک کامیاب بزنس وومین اور  انسان دوست شخصیت کی بھی مالک ہیں'۔

ٹام ہارپر کا کہنا تھا کہ عالیہ بھٹ سے میری پہلی ملاقات ان کی انگریزی زبان میں بننے والی ڈیبیو فلم ’ ہارٹ آف اسٹون‘ کے سیٹ پر ہوئی۔ وہ مشہور ہونے کے باوجود بہت عاجزانہ مزاج کی مالک تھیں۔

عالیہ بھٹ کے دنیا بھر میں چرچے، اداکارہ نے کس کی نقل کی؟

بھارتی معروف اداکارہ عالیہ بھٹ نے نیو یارک کے میٹروپولیٹن میوزیم آف آرٹ میں ہالی...

انہوں نے مزید کہا کہ 'ایک اداکارہ کے طور پر ان کا کام بہت نمایاں ہے۔ ان کی تخلیقی صلاحیتیں انہیں ایک انٹرنیشنل اسٹار بناتی ہیں'۔

اداکارہ نے اس پوسٹ کے کیپشن میں ٹام ہارپر  کے الفاظ کا شکریہ ادا کرتے ہوئے کہا کہ ' ٹائمز میگزین کی سال 2024 کے لیے دنیا کی 100 بااثر شخصیات کی فہرست میں شامل ہونا میرے لیے قابلِ تعظیم ہے۔ میرے لیے اس قدر اچھے الفاظ کا استعمال کرنے کیلئے ٹام ہارپر کی شکرگزار ہوں'۔