بھارت کے قدیم اور تاریخی تعلیمی ادارے علی گڑھ یونیورسٹی میں 123 سال بعد ایک خاتون کو وائس چانسلر مقرر کردیا گیا۔

بھارتی صدر دروپدی مرمو کی توثیق اور بھارتی الیکشن کمیشن کی بعض شرائط کے بعد وزارت تعلیم نے پروفیسر نعیمہ خاتون کو علی گڑھ مسلم یونیورسٹی کا نیا وائس چانسلر مقرر کیا۔

یہ عہدہ سابق وائس چانسلر طارق منصور کے استعفے کے بعد ایک سال سے خالی پڑا تھا۔ 

گورنمنٹ کالج یونیورسٹی لاہور کی تاریخ میں پہلی خاتون وائس چانسلر مقرر

پروفیسر شازیہ بشیر یونیورسٹی کی تیسری قائم مقام وائس چانسلر ہیں۔

وزارت تعلیم کے جاری کردہ اعلامیہ کے مطابق نعیمہ خاتون کے عہدے کی مدت ان کے عہدہ سنبھالنے کے دن سے 5 سال یا ان کی عمر ستر برس ہونے تک ہوگی۔

پروفیسرنعیمہ خاتون علی گڑھ مسلم یونیورسٹی کی 123 سالہ تاریخ میں اس عہدے پر فائز ہونے والی دوسری خاتون ہیں۔

 ان سے پہلے 1920میں علی گڑھ یونیورسٹی کی پہلی چانسلر ایک خاتون بیگم سلطان جہاں تھیں جو اُس وقت غیر منقسم بھارت میں بھوپال ریاست کی حکمران تھیں۔

علی گڑھ میں سڑک پر نماز پڑھنے والوں کے خلاف مقدمہ

لوگوں کو سڑک پر نماز پڑھنے سے منع کیا گیا تھا ۔

اس سے قبل پروفیسر نعیمہ خاتون 2016 علی گڑھ مسلم یونیورسٹی کے ویمنز کالج کی پرنسپل تھیں اور گزشتہ برس اس عہدے سے سبکدوش ہوئی تھیں۔

نعیمہ خاتون اگست 1988میں علی گڑھ مسلم یونیورسٹی میں لیکچرر مقورر ہوئیں، جس کے بعد 1998 میں ایسوسی ایٹ پروفیسر اور 2006 میں پروفیسر بنائی گئیں۔

ویمنز کالج میں بطور پرنسپل تقرر سے پہلے انہوں نے سائیکالوجی ڈپارٹمنٹ کی چیئرپرسن کے طورپر خدمات انجام دیں۔

انہوں نے یونیورسٹی کے مختلف شعبوں میں مختلف حیثیتوں سے بھی خدمات انجام دیں ہیں۔

نظریۂ پاکستان کا تاریخی پس منظر کیا ہے؟

Will you be governed by sword or by pen?

نعیمہ خاتون نے سیاسی نفسیات میں ڈاکٹریٹ کی ڈگری حاصل کی ہے، انہوں نے افریقہ کی روانڈانیشنل یونیورسٹی میں بھی تعلیمی خدمات انجام دیں اور متعدد کتب کی مصنفہ ہیں۔

نعیمہ خاتون بھارت کی تیسری خاتون وائس چانسلر ہیں جنہیں کسی سینٹرل یونیورسٹی میں اس عہدے پر فائز کیا گیا ہے۔

 اس وقت دہلی کی جواہر لال نہرو یونیورسٹی کی وائس چانسلر دھولی پوڑی پنڈت ہیں جب کہ پروفیسر نجمہ اختر جامعہ ملیہ اسلامیہ کی وائس چانسلر کے طورپر اپنی ذمہ داریوں سے گزشتہ برس سبکدوش ہوئی ہیں۔