دلچسپ و خاص

اننت امبانی کے بعد ایک اور امیر بھارتی کی شاہانہ شادی

عظیم و شان تقریبات ، شادی پر کتنے لاکھ ڈالرز خرچ آئے؟

Web Desk

اننت امبانی کے بعد ایک اور امیر بھارتی کی شاہانہ شادی

عظیم و شان تقریبات ، شادی پر کتنے لاکھ ڈالرز خرچ آئے؟

اسکرین گریب
اسکرین گریب

دنیا کے امیر ترین افراد میں شمار ہونے والے بھارتی تاجر مکیش امبانی کے چھوٹے بیٹے اننت امبانی کی شادی سے قبل کی شاہانہ تقریبات کے بعد ایک اور ارب پتی بھارتی کی شادی بین الاقوامی میڈیا کی توجہ کا محور بن گئی۔

ارب پتی بھارتی نژاد امریکی برنس مین انکور جین مشہور زمانہ ماڈل اریکہ ہاموند کے ساتھ مصر کے شہر جیزہ کے تاریخی علاقے میں شادی کے بندھن میں بندھ گئے۔

انتہائی شان وشوکت سے رچائی جانے والی شادی کی عبقری تقریب صدیوں پرانے اہرام مصر کے جلو میں منعقد ہونے کی وجہ سے یادگار بن گئی۔

 34 سالہ دولہے جین اور 32 سالہ دلہن ہاموند کی شادی کی تقریبات قاہرہ کے تاریخی علاقے میں چار روز تک جاری رہیں جن میں دنیا بھر سے 130 چنیدہ مہمانوں نے شرکت کی۔

انکور جین بیلٹ ریوارڈ کے سی ای او ہیں، ان کے منفرد ’کایروس‘ پروگرام کے ذریعے مکانات کرائے پر حاصل کرنے پر مستاجرین کو پوائنٹس ملتے ہیں جسے وہ بعد ازاں اپنا مکان تعمیر کرنے کے لئے بطور سرمایہ استعمال کر سکتے ہیں۔

 ان کی دلہن اریکہ ہاموند فیشن ڈیزائنر، فٹنس ٹرینر کے ساتھ ساتھ امریکہ میں پیشہ وارنہ ریسلنگ اسٹار کے طور پر جانی جاتی ہیں۔

مصری ذرائع ابلاغ کے مطابق شادی کی اولین شب ’ماڈرن قاہرہ‘ کے عنوان کے تحت مشہور محمد علی پیلس میں ہوئی۔

 شادی میں دنیا بھر سے نمایاں شخصیات بشمول لانس باس اور ان کے شوہر مائیکل تورچین، رابن تیک اور ان کی بیگم اپریل لو جیری، معروف سرمایہ کار کیون او لیری اور ان کی اہلیہ لینڈا، انفلوئنسر سیرینا کریگن نے شرکت کی۔

مصر کے سابق وزیر آثار قدیمہ زاہی حواس نے شادی کی تفصیلات سے متعلق بتایا کہ یہ منفرد تقریب مختلف تاریخی مقامات پر چار روز جاری رہی۔

جن مقامات پر شادی کی مختلف تقریبات منعقد کی گئیں ان میں کچھ ایونٹس ابو الھول، محمد علی پیلس پر منعقد ہوئے جبکہ اختتامی تقریب گولڈن جزیرہ اور رمسیس دوم کے مجسمے کے جلو میں ہوئی۔

زاہی حواس کے مطابق رمسیس دوم کے مجسمے کے قریب تقریب منعقد کرنے کا کرایہ دو لاکھ ڈالر وصول کیا جاتا ہے۔ بھارتی نژاد ارب پتی امریکی شہری نے اپنی شادی پر 30 لاکھ ڈالر خرچ کیے۔

 ان کا کہنا تھا کہ دولہا انکور جین سے ان کے دوستانہ مراسم ہیں اس حوالے ان کی شادی مصر میں منعقد ہونے والا ایک بہت بڑا میلہ تھا۔

تازہ ترین