پاکستانی نژاد برطانوی سابق باکسر عامر خان ایک دن کیلئے پاک فوج کی جانب سے  اعزازی کیپٹن کے رینک ملنے پر خوش سے نہال ہوگئے۔

فوٹو اینڈ ویڈیو شیئرنگ ایپ انسٹاگرام پر عامر خان نے منفرد پوسٹ  شیئر کی جس میں انہیں پاک فوج کی وردی میں دیکھا گیا۔

انسٹاگرام پر جاری پوسٹ شیئر کرتے ہوئے انہوں نے اپنے مداحوں کو خوشی کی خبر سے آگاہ کرتے ہوئے بتایا کہ،’یہ صرف ایک اعزازی رینک ہے جو مجھے میرے ملک پاکستان نے دیا ہے۔مجھے پاکستان کی عوام اور پورے ملک سے بے پناہ محبت ہے۔’

عامر خان نے مزید بتایا کہ،’ میرا سیاست کے پہلوؤں میں کوئی دخل نہیں ہے میں صرف اس تجربے کو شیئر کرنا چاہتا تھا۔’

واضح رہے کہ باکسنگ کے میدان میں عامر خان کی کامیابیوں کو سراہتے ہوئے ایک پروقار تقریب میں انہیں اعزازی کیپٹن کے رینکس لگائے گئے جبکہ تقریب کے اختتام پر باکسر عامر خان نے پاکستان آرمی کےجوانوں اور افسروں کے ساتھ کچھ وقت بھی گزارا۔

پُر تعیش تحفہ، عامر خان کا فریال مخدوم کی طرف محبت بھرا قدم

باکسرعامر خان نے اہلیہ کی جانب ایک بار پھر محبت بھرا قدم اُٹھا کر پُرستاروں کو...

اس موقع پر عامر خان کا کہنا تھا کہ پاک فوج نے ہمیشہ کھیلوں کے فروغ میں اہم کردار ادا کیا ہے، آج یہ اعزاز ملنےکے بعد میں فخر محسوس کر رہا ہوں، یونیفارم پہن کر رینک لگا کر وہی خوشی محسوس کر رہا ہوں جیسی عالمی چیمپئن بننے پر ہوئی۔

عامر خان کا کہنا تھا کہ پاک فوج کو ہمیشہ سپورٹ کیا ہےکیونکہ یہ ہمارا فخر ہے، پاکستان میں کھیلوں کے فروغ کے لیے اپنا کردار ادا کرتا رہوں گا، پاکستانی نوجوانوں کو کھیلوں میں زیادہ سے زیادہ حصہ لینا چاہیے، میرا ارادہ ہےکہ پاکستان میں مزید باکسنگ اکیڈمیاں کھولی جائیں۔

باکسر عامر خان تنازع ، اہلیہ فریال مخدوم ماڈل سمیرا پر برس پڑیں

مجھے کچھ دنوں سے سُمیرا کی لیگل ٹیم کی جانب سے نفرت آمیز مہم کا نشانہ بنایا جا رہا...

ان کا کہنا تھا کہ ایک دن ہم ان شاء اللہ کامن ویلتھ اور اولمپکس میں تمغے جیتیں گے۔

عامر خان کا مزید کہنا تھا کہ میری آج آرمی چیف جنرل عاصم منیر سے بھی ملاقات ہوئی، میں پاک فوج کا شکر گزار ہوں جس نے میری عزت افزائی کی، ہم لوگ پاکستان آتے ہیں تو پاک فوج کی وجہ سے خود کو بہت محفوظ محسوس کرتے ہیں۔