پاکستانی ڈراما انڈسٹری کا بلاک بسٹر ڈراما سیریل ’عشق مرشد’ میں اپنی فنکارانہ صلاحیتوں سے کامیابی کا سہرا اپنے سر سجانے والی اداکارہ درفشاں سلیم نے سفید پشواس میں حسن کی انتہا کردی۔

نجی ٹیلی ویژن کے سپر ہٹ ڈراما سیریل ’عشق مرشد’ کی آخری قسط سینما گھروں میں نشر کی گئی۔

'ایمی گالا' ، ماہرہ خان کا ’ڈریس ڈیزائنر ’کون؟

اداکارہ کے حسن پر مداح دیوانے

آخری قسط کی اسکریننگ میں ہیروئن شبرا اور ہیرو شاہ میر کا کردار ادا کرنے والے درفشاں اور بلال عباس نے بھی ڈرامے کے دیگر اداکاروں کے ہمراہ شرکت کی۔

ڈرامے کی کامیابی کے خاص دن پر اداکارہ درفشاں سلیم اور بلال عباس جہاں اپنی ٹوئننگ سے سب کی توجہ اپنی جانب مبذول کیے ہوئےتھے وہیں اداکارہ درفشاں سلیم بھی اپنے حسن سے تعریفیں سمیٹنے میں کسی سے پیچھے نہ تھیں۔

ہانیہ عامر کا حسین جوڑا کتنا مہنگا؟

اداکارہ کے جوڑے کی ہوشربا قیمت سامنے آگئی

اس خاص موقع پر اداکارہ کو سفید حسین پشواس میں دیکھا گیا جس پر سنہری کڑھائی نےلباس کو مزید رونق بخشی ہوئی تھی۔

آنکھوں میں کاجل ، بکھری کھلی زلفیں اور مدھم میک اپ نے ایک جانب جہاں اداکارہ کے حسن میں مزید چار چاند لگادیے وہیں انکا جوڑا بھی کسی تعریف کا محتاج نہیں تھا۔

فوٹو اینڈ ویڈیو شیئرنگ ایپ انسٹاگرام پر درفشاں نے دلکش فوٹو شوٹ مداحوں کی خدمت میں شیئر کیا جس نے منظر عام پر آتے ہی محض چند گھنٹوں میں 4 لاکھ سے زائد لائکس حاصل کرلیے۔

واضح رہے کہ درفشاں سلیم کے اس سفید پشواس کی مزید تفصیلات تو منظر عام پر نہیں آئی ہیں تاہم فیشن کے متوالے اس حسین پشواش کو اپنی کلیکشن میں شامل کرنے کیلئے بے تاب نظر آرہےہیں۔