دنیائے فیشن کی سب سے بڑی رات میٹ گالا 2024 میں بھارتی اداکارہ عالیہ بھٹ کی پہنی گئی ساڑھی کی دلکشی نے سب کی توجہ حاصل کرلی۔

سالانہ کیلنڈر کے سب سے مشہور ایونٹس میں سے ایک ’میٹ گالا‘ کا رنگا رنگ میلا 6 مئی کو نیویارک کے میٹروپولیٹن میوزیم آف آرٹ میں سجا جس میں معروف شخصیات نے تھیم کی مناسبت سے منفرد ملبوسات زیب تن کیے۔

میٹ گالا 2024، عالیہ بھٹ کا لُک دل جیت گیا

’عالیہ اِن ونڈرلینڈ‘، عالیہ بھٹ کا میٹ گالا لُک بازی لے گیا

رواں سال میٹ گالا کا تھیم ’گارڈن آف ٹائم‘ رکھا گیا جس کا نام معروف ناول نگار جے جی بلارڈ کی 1962 کی مختصر کہانی پر مبنی ہے۔

میٹ گالا 2024 میں عاالیہ بھٹ نے بھارتی سیلیبریٹی فیشن ڈیزائنر سبیاساچی کی تیار کردہ ساڑھی پہنی جو میٹ گالا کے تھیم کی مکمل عکاسی کرتی دکھی۔

عالیہ بھٹ کی ساڑھی پر دلکش کڑھائی سے بنائے گئے پھول اور پتھروں کو سجایا گیا جو مجموعی طور پر ’گارڈن اف ٹائم‘ کے تھیم کو پورا کر رہا ہے۔

عالیہ بھٹ نے ووگ میگزین سے گفتگو کرتے ہوئے بتایا کہ ’ یہ پوری ساڑھی ہاتھ کے کام سے تیار کی گئی ہے جس کی تیاری میں 163 کاریگروں کی انتھک محنت لگی اور ہر وہ چیز جو محبت اور فرصت سے تیار کی جائے ہمیشہ جگمگاتی رہتی ہے‘۔

بھارتی میڈٖیا رپورٹس کے مطابق عالیہ بھٹ کی ’گارڈن اف ٹائم‘ کے تھیم پر پوری طرح اترتی اس ساڑھی کو تقریباً 163 کاریگروں نے 1965 گھنٹوں میں تیار کیا ہے۔

اس جوڑے میں آسمان، زمین اور سمندر کے رنگوں کو یکجا کرتے ہوئے قدرتی حسن کو چھپایا گیا ہے۔