ڈرامہ سیریل بے بی باجی اور مائی ری سے شہرت کی بلندیوں پر پہنچنے والی نوجوان اداکارہ عینا آصف نے انکشاف کیا ہے کہ ان کی کامیابی میں ان کی والدہ کا بڑا کردار ہے۔

عینا آصف نے حال ہی میں نجی ٹی وی کے انٹرویو پروگرام میں شرکت کی اور پروفیشنل و نجی زندگی سے جڑے کئی ایک سوالات کے جوابات دیے۔

عینا آصف کی دل موہ لینے والی تصاویر کی دھوم

مستقبل میں ہم اس نوجوان جوڑے کی جدوجہد اور مسائل کو دکھائیں گے

دورانِ انٹرویو ایک سوال کے جواب میں عینا آصف نے انکشاف کیا کہ مجھے جو بھی ڈرامہ آفر ہوتا ہے اس کی اسکرپٹ سب سے پہلے والدہ پڑھتی ہیں اور مجھے بتاتی ہیں، اس طرح ہم دونوں مل کر مشورہ کر لیتے ہیں کہ فلاں ڈرامہ کرنا ہے یا نہیں۔مزید یہ کہ میں ابھی اتنی بڑی نہیں ہوئی کہ پڑھائی اور اداکاری کی زمہ داری خود اٹھا لوں، اس لیے میری بھی یہ خواہش ہوتی ہے کہ والدہ میری مدد کریں۔

مذکورہ انٹرویو کے دوران انہوں نے یہ بھی بتایا کہ آج تک جتنا بھی کام میں نے کیا ہے اس سے میں مطمئن ہوں ، میں یہ نہیں چاہتی کہ کبھی زندگی میں یہ سوچوں کہ فلاں کردار یا ڈرامہ مجھے نہیں کرنا چاہیے اور ایک خواہش یہ بھی ہے کہ ہمیشہ اپنے مداحوں کو ایک ایک اچھا مواد دیکھنے کو دوں۔

واضح رہے کہ آج سے چند ماہ قبل انہوں نے ایک انٹرویو میں اس بات کا خلاصہ کیا تھا کہ ان کی آمدن کا حساب ان کی بجائے کون سا فیملی ممبر رکھتا ہے؟

مائی ری کی وجہ سے ذہنی صحت متاثر ہوئی، عینا آصف

 کم عمر اداکارہ عینا آصف نے انکشاف کیا ہے کہ ڈرامہ مائی ری میں عینی کے کردار ادا...

عینا کے بقول میری کمائی کا حساب بڑی بہن رکھتی ہے اور مجھے پیسوں کی ضرورت ہو تو بھی میں اس سے ہی مانگتی ہوں لیکن وہ سختی کرتی ہے مجھے فضول پیسے خرچ نہیں کرنے دیتی۔ لیکن یہ بات مجھے اچھی لگتی ہے کیونکہ وہ میرے محنت سے کمائے ہوئے پیسوں کو انویسٹ کر رہی ہے تاکہ مستقبل میں میرے ہی کام آسکیں۔