سینئر پاکستانی اداکارہ نادیہ افگن کا کہنا ہے کہ کسی بھی شخص کو بیک وقت 2 افراد سے محبت ہو سکتی ہے۔

اداکارہ نادیہ افگن نے حال ہی میں نجی ٹی وی شو میں شرکت کی اور کھل کر اپنی پروفیشنل و نجی زندگی کے حوالے سے گفتگو کی۔

نادیہ افگن کی انٹرویو پروگرام سے وائرل ہونے والی مختصر ویڈیو میں بیک وقت 2 افراد سے محبت سمیت نوجوان لڑکوں اور لڑکیوں کی جانب سے محبت میں مرنے کی باتیں کرنے کے معاملے پر گفتگو کرتے ہوئے دیکھا جا سکتا ہے۔

اداکارہ کا کہنا تھا کہ محبت میں مرنے کی باتیں کرنا بے وقوفی اور جھوٹ ہوتا ہے، کوئی کسی کے لیے نہیں مرتا۔

ان کے مطابق وہ عام طور پر نوجوان اداکاروں کو شوٹنگ سیٹ کے دوران محبت سے متعلق بتاتی رہتی ہیں اور انہیں کہتی رہتی ہیں کہ کسی بھی انسان کو بھلانا اور اس کے بغیر پرسکون زندگی گزارنا آسان کام ہے، ہر کسی کو اس کے لیے صرف چار ہفتے درکار ہوتے ہیں۔

اداکارہ نے دلیل دی کہ جو شخص چار ہفتے گزار لے، پھر وہ محبت کے بغیر بھی رہ لے گا اور پھر وہ واپس مڑ کر اس شخص کی طرف نہیں دیکھے گا جس سے اس کو کبھی محبت ہوتی تھی۔

اداکارہ نے ایک سوال پر کہا کہ بیک وقت دو افراد سے محبت ہو سکتی ہے اور جو لوگ بولتے ہیں کہ انہیں ایک ہی وقت میں دو لوگوں سے محبت نہیں ہوتی، وہ جھوٹ بولتے ہیں، لیکن یہ محبتیں الگ الگ ہو ں گی۔ 

نادیہ افگن کو بچہ گود لینے کی خواہش کیوں نہیں؟

نامور پاکستانی اداکارہ نادیہ افگن نے کہا ہے کہ وہ بچے گود نہیں لینا چاہتی۔حال ہی...

اپنی بات کی وضاحت پیش کرتے ہوئے اداکارہ نادیہ افگن نے کہا کہ ایک شخص سے محبت کا مطلب ہوسکتا ہے کہ اس سے ذہنی ہم آہنگی ہوگی جب کہ دوسرے سے وہ محبت ہوگی جو مرنے مارنے والی ہوتی ہے۔