حسین پاکستانی اداکارہ عائزہ خان کی میڈیا انڈسٹری چھوڑنے کی خبروں نے زور پکڑ لیا۔

ڈرامہ سیریز ’جان جہاں‘ کی آخری قسط جلد ہی نشر ہونے والی ہے اور عائزہ خان کے مداح اس چیز پر پشان ہیں کیونکہ ڈرامے کے شروعات میں اداکارہ نے انسٹاگرام پر ایک اسٹوری میں کہا تھا کہ ’جان جہاں‘ ان کا آخری پراجیکٹ ہے۔

عائزہ خان ٹی وی پر اپنی شاندار اداکاری کے باعث ایک ننفرد مقام رکھتی ہیں، وہ کئی ہٹ ڈراموں کا حصہ رہ چکی ہیں۔

عائزہ خان ’جانِ جہاں‘ کی شوٹ کے دوران حادثے کا شکار

پاکستانی اداکارہ عائزہ خان نے اپنے نئے ڈرامے ’جانِ جہاں‘ کی شوٹنگ کے دوران حادثے...

سال 2013 میں ٹی وی اسکرین کی زینت بننے والے مقبول ترین ڈرامے ’پیارے افضل‘ میں عائزہ خان اور حمزہ علی عباسی بطور جوڑی کاسٹ کیے گئے تھے اور اب 10 برس بعد دونوں پھر ایک ساتھ بطور جوڑی ڈراما ’جانِ جہاں‘ میں نظر آرہے ہیں۔

 جان جہاں کی اب تک 38 اقساط نشر ہو چکی ہیں اور آخری ایپی سوڈ جلد ہی نشر ہونے والی ہے، اس ڈرامے کو ناصرف پاکستان بلکہ انڈیا میں بھی خوب پسند کیا جارہا ہے۔

عائزہ خان نے نومبر 2023 میں  انسٹاگرام پر ایک اسٹوری پوسٹ کی تھی، جس میں انڈسٹری سے ممکنہ علیحدگی کا اشارہ دیا تھا۔

مذکورہ پوسٹ میں عائزہ نے 'جان جہاں' کو اپنا 'آخری پراجیکٹ' قرار دیا تھا جس سے ان کی اداکاری سے ریٹائرمنٹ کی افواہیں پھیل گئیں۔

حمزہ اور عائزہ کی جوڑی کا جادو ایک بار پھر چل گیا

خوبصورت جوڑی کو عاصم جوفا نے ایک رومانوی فوٹو شوٹ کے لیے اکھٹا کیا

جیسے جیسے انڈسٹری میں عائزہ کے مستقبل کے حوالے سے قیاس آرائیاں وائرل ہو رہی ہیں، مداح ان کے اگلے پراجیکٹ کے بارے میں تصدیق کا بے تابی سے انتظار کر رہے ہیں۔

 ’جان جہاں‘ کے بعد اداکارہ ٹی وی اسکرین پر دکھائی دیں گی یا نہیں اس کی تصدیق تو آنے والا وقت ہی کرے گا۔