بالی وڈ کے چاکلیٹی ہیرو کارتک آریان کی فلم ‘چندو چیمپئن’ کا ٹریلر ریلیز ہوتے ہی چھا گیا۔ 

مداح کارتک کو ایک سال بعد اسکرین پر دیکھ کر  خوش سے نہال ہیں  وہیں دوسری طرف سوشل میڈیا صارفین کی جانب سے اداکار کو فلم کے لیے مصنوعی طریقوں کا استعمال کرکے  فزیک بنانے پر ٹرول کیا بھی جارہا ہے۔

کارتک آریان نے فلم میں اپنی ٹرانفارمیشن کے حوالے سے بات کرتےہوئے کہا ‘فلم کے کردار کی ڈیمانڈ کو پورا کرنے کے لیے میں نے ایک سال تک چینی نہیں کھائی یہاں تک کہ ایک وقت وہ بھی آیا جب میں دن میں صرف ایک وقت کاکھانا کھاتا تھا‘۔

کارتک آریان اور تارا سوتاریا، بالی وڈ میں نئی جوڑی کے چرچے

بالی وڈ کی دنیا میں بھارتی اداکار کارتک آریان اور تارا سوتاریا کی نئی جوڑی کی ...

انہوں نے مزید کہا کہ‘ اس فلم کی وجہ سے ڈیڑھ سال تک میں نے کوئی اور فلم سائن نہیں کی۔ میں ایک روبوٹ بن گیا تھا جسے کبیر خان آپریٹ کرتے تھے میں کیا کروں گا، کیا نہیں ہر چیز کا فیصلہ وہی کرتے تھے‘۔

اداکار نے فلم ‘چندو چیمپئن’ کو اپنی زندگی کا مشکل ترین پروجیکٹ قرار دیتے ہوئے مزید کہاکہ ‘پراجیکٹ سائن کرنے سے پہلے ہی میں بہت سارے شکوک و شبہات کا شکار تھا حالانکہ کبیر اور ساجد سر نے مجھے اس فلم کے مشکل سفر کے بارے میں پہلے سےآگاہ کیا تھا ‘۔

ان کا کہنا تھا کہ فلم سائن کرنے بعد میں نے ایک دن سوچاکہ‘ کبیراور ساجد کی محبت میں، میں نے فلم کے لیے ہاں تو کہہ دی ہے لیکن یہ میں کیسے کروں گا؟ یہ کیسے ہوگا؟ مگر آج جب پلٹ کر دیکھتا ہوں تو یہ سب قابلِ فخر لگتا ہے ۔ مجھے اس فلم پر فخر ہے‘۔

کارتک آریان نے ممبئی کی ٹریفک کو چکما دے دیا

اداکار کو میٹرو میں سفر کرتا دیکھ کر مسافر حیران

واضح رہے فلم‘چندو چیمپئن’ ہندوستان کے پہلے پیرا لیمپک گولڈ میڈلسٹ مرلیکانت پیٹکر کی زندگی کی کہانی پر مبنی ہے۔ فلم جون کو ریلیز کی جائے گی۔