نیلی زندہ ہے، صنف آہن، رنگریزا اور ’تو عشق ہے‘ جیسے ڈراموں میں اداکاری کے جوہر دکھانے والی اداکارہ سونیا مشال نے جلد ننھے مہمان کا خیر مقدم کرنے کی خوشخبری سنا دی۔

فوٹو اینڈ ویڈیو شیئرنگ ایپ انسٹاگرام پر اداکارہ سونیا مشال نے اینیمیٹڈ  ویڈیو جاری کی جس کے ساتھ شامل کیپشن نے بڑی خبر سے مداحوں کو آگاہ کردیا۔

انسٹاگرام پر جاری پوسٹ میں جنگل تھیم پر مشتمل ایک کارڈ شامل تھا جس کے ساتھ ہی بتایا گیا تھا کہ یہ جوڑا رواں سال ماہ ستمبر میں اپنے پہلے بچے کا خیر مقدم کرنے کیلئے بے تاب ہے۔

سونیا مشال کی جانب سے اس خبر کے اعلان کے بعد شوبز فنکاروں نے اس جوڑے کو مبارک باد دینا شروع کردی۔اداکارہ زارا نور عباس نے تبصرہ کرتے ہوئے خوشی کا اظہار کیا اور لکھا کہ،’آپ کی زندگی کا سب سے خوبصورت دور شروع ہونے والا ہے۔’

اسی کے ساتھ اداکارہ ثروت گیلانی نے سونیا کو جلد ولدیت قبول کرنے پر مبارک باد دیتے ہوئے لکھا کہ،’مبارک بیبی مجھے یقین ہے کہ آپ ایک شاندار ماں بننے والی ہیں۔’

مریم نور کے ہاں جلد ننھے مہمان کی آمد متوقع

اداکارہ نے مداحوں کو بڑی خوشخبری سنادی

اداکارہ سجل علی نے بھی اس خوشی میں شامل ہوتے ہوئے مبارکباد کے الفاظ شامل کردیے۔

یاد رہے کہ سونیا مشال نے 2014 کے بعد اداکاری کا آغاز کیا تھا اور اب تک وہ دو درجن کے قریب ڈراموں اور ٹیلی فلموں میں کام کر چکی ہیں۔

 سونیا مشال فروری 2022 میں طلال صوفی نامی شخص کے ساتھ رشتہ ازواج میں منسلک ہوئیں تھیں۔